సాహో చిత్రానికి మొదలయిన బిజినెస్.!

బాహుబలి కంక్లూజన్ మూవీ కేవలం హిందీ డబ్బింగ్ వెర్షన్ 500 కోట్లకు పైనే వసూలు చేసింది. డైరక్ట్ హిందీ సినిమాలు సైతం ఈ మార్క్ ని చేరుకోవటానికి చాలా కష్టపడుతాయి. అటువంటిది ప్రభాస్ మూవీ సునాయాసంగా సాధించింది. దీంతో ప్రభాస్ నెక్స్ట్ సినిమా సాహో పై బాలీవుడ్ ప్రొడ్యూసర్లు, డిస్ట్రిబ్యూటర్స్ కన్నేశారు. ఈ సినిమా షూటింగ్ దశలో ఉండగానే బేరసారాలు మొదలెట్టేసారు. ప్రస్తుతం ఈ చిత్ర షూటింగ్ దుబాయ్ లో సాగుతోంది. హాలీవుడ్ యాక్షన్ కొరియోగ్రాఫర్ కెన్నీ బేట్స్ ఆధ్వర్యంలో సుజీత్ కీలకమైన యాక్షన్ సీక్వెన్స్ ని తెరకెక్కిస్తున్నారు.

ఈ షూటింగ్ లో ప్రభాస్, హీరోయిన్ శ్రద్ధ కపూర్, విలన్ నీల్ నితిన్ ముఖేష్ తో పాటు మందిరా బేడీ పాల్గొన్నట్లు తెలిసింది. ఈ సినిమాలో నటిస్తున్న నటీనటులు ఎక్కువమంది బాలీవుడ్ వారే కావడంతో  బాగా కలక్షన్స్ వస్తుందని అక్కడి ట్రేడ్ వర్గాల వారు భావిస్తున్నారు. అందుకే ఈ మూవీ హిందీ రైట్స్ కోసం దాదాపు 120 కోట్లను ఆఫర్ చేసినట్లు సమాచారం.   అయితే దీనిని నిర్మాతలు వంశీ, ప్రమోద్ లు ఇంకా ఓకే చెప్పలేదు. సినిమా పూర్తి అయిన తర్వాత ఈ ధర మరింత పెరిగే అవకాశముందని అంచనా వేస్తున్నారు. 150 కోట్లకు హిందీ రైట్స్ విక్రయించాలని అనుకుంటున్నారు. జాతీయ స్థాయిలో మంచి పేరున్న బాలీవుడ్ సంగీత త్రయం శంకర్ – ఇషాన్ – లాయ్ లు  సంగీతాన్ని అందిస్తున్న ఈ సినిమా వచ్చే ఏడాది  రిలీజ్ చేయనున్నారు.