మాస్ మహారాజా రవితేజ రిజల్ట్ తో సంబంధం లేకుండా వరుస సినిమాలను లైన్ లో పెడుతున్నారు. ‘క్రాక్’ తరువాత ఆయన నుంచి రెండు సినిమాలు వచ్చాయి. రెండూ వర్కవుట్ కాలేదు. త్వరలోనే ‘ధమాకా’ అనే సినిమాతో ప్రేక్షకుల ముందుకు రానున్నారు. ఈ సినిమా కాకుండా రవితేజ చేతుల్లో మరో రెండు, మూడు సినిమాలు ఉన్నాయి. అందులో మెగా154 సినిమా ఒకటి. చిరంజీవి ప్రధాన పాత్రలో దర్శకుడు బాబీ రూపొందిస్తోన్న ఈ సినిమాలో రవితేజను కీలకపాత్ర కోసం ఎంపిక చేసుకున్నారు.
ఈ సినిమాలో చిరంజీవి, రవితేజ సవతి సోదరులుగా కనిపించనున్నారని సమాచారం. వీరిద్దరి మధ్య నడిచే క్లాష్ సన్నివేశాలు సినిమాకే హైలైట్ గా నిలుస్తాయని చెబుతున్నారు. ఈ సినిమాకి ‘వాల్తేర్ వీరయ్య’ అనే టైటిల్ ను పరిశీలిస్తున్నారు. దాదాపు ఈ టైటిల్ నే ఫిక్స్ చేసే ఛాన్స్ ఉంది. సినిమాలో చిరు క్యారెక్టర్ పేరు వాల్తేర్ వీరయ్య. ఇక రవితేజ క్యారెక్టర్ పేరు కూడా బయటకొచ్చింది. వైజాగ్ రంగరాజు అనే పాత్రలో కనిపిస్తారట రవితేజ.
ఈ రోల్ మాస్ ఆడియన్స్ కి మంచి ఐఫీస్ట్ అవుతుందని చెబుతున్నారు. అవుట్ అండ్ అవుట్ మాస్ పోలీస్ ఆఫీసర్ గా కనిపించనున్నారు రవితేజ. దీనిపై త్వరలోనే క్లారిటీ రానుంది. శృతిహాసన్ హీరోయిన్ గా నటిస్తోన్న ఈ సినిమాను మైత్రి మూవీ మేకర్స్ భారీ బాధేతి తో నిర్మిస్తున్నారు. దేవిశ్రీప్రసాద్ సంగీతం అందిస్తున్నారు.
కథ ప్రకారం.. సినిమాలో చిరు గోదావరి యాసలో డైలాగ్స్ చెబుతారట. రీసెంట్ గా రాజమండ్రిలో ఓ షెడ్యూల్ పూర్తి చేసుకుంది చిత్రబృందం. ఇప్పుడు డబ్బింగ్ పనులు మొదలయ్యాయి. జనవరి 2023లో సినిమా విడుదల కానుంది.
Most Recommended Video
ది ఘోస్ట్ సినిమా రివ్యూ & రేటింగ్!
‘బిగ్ బాస్ 6’ కపుల్ కంటెస్టెంట్స్ రోహిత్ అండ్ మెరీనా గురించి 10 ఆసక్తికర విషయాలు..!
‘బిగ్ బాస్ 6’ కంటెస్టెంట్ శ్రీహాన్ గురించి ఆసక్తికర విషయాలు..!
