Pawan aKalyan: పవన్ సినిమా కోసం పాపులర్ టెక్నీషియన్!

March 28, 2022 / 07:53 PM ISTByFilmy Focus

Join Us

Pawan aKalyan: పవన్ సినిమా కోసం పాపులర్ టెక్నీషియన్!

పవర్ స్టార్ పవన్ కళ్యాణ్, దర్శకుడు క్రిష్ కాంబినేషన్ లో ‘హరిహర వీరమల్లు’ సినిమా తెరకెక్కుతోన్న సంగతి తెలిసిందే. గతేడాదిలో ఈ సినిమా షూటింగ్ మొదలైంది. కానీ పాండమిక్ కారణంగా షూటింగ్ వాయిదా పడింది. ఈ ఏడాదిలో షూటింగ్ మొదలవుతుందని అన్నారు కానీ ఆలస్యమవుతోంది. మధ్యలో పవన్ కళ్యాణ్ రీమేక్ చిత్రాలను ఓకే చేస్తుండడంతో ‘హరిహర వీరమల్లు’ మరింత లేట్ అవుతుందని భావించారు అభిమానులు. అయితే తాజాగా ప్రొడక్షన్ కంపెనీ మెగా సూర్య సంస్థ ఈ సినిమాకి సంబంధించిన అప్డేట్ ఇచ్చింది.

Click Here To Watch NOW

చారిత్రక నేపథ్యంలో తెరకెక్కుతోన్న ఈ సినిమాలో గోల్కోండ, నవాబులు, వజ్రాలు ఇలా ఇప్పటివరకు ఎవరు టచ్ చేయని కాన్సెప్ట్ తో సినిమాను తెరకెక్కిస్తున్నారు. దర్శకుడు క్రిష్ ఈ సినిమా కోసం బాగా రీసెర్చ్ చేసినట్లు తెలుస్తోంది. ఇప్పటికే విడుదల చేసిన ఈ సినిమా టీజర్, పోస్టర్లు సోషల్ మీడియాలో బాగా వైరల్ అయ్యాయి.పవన్ కళ్యాణ్ మీద తెరకెక్కించిన యాక్షన్ సీక్వెన్స్ లు ఓ రేంజ్ లో ఉండబోతున్నట్లు తెలుస్తోంది. దానికి తగ్గట్లుగా భారీ సెట్స్ ని నిర్మించబోతున్నారు.

దీనికోసం ప్రముఖ ఆర్ట్ డైరెక్టర్ తోట తరణిని రంగంలోకి దించారు దర్శకనిర్మాతలు. నిజానికి ఈ మధ్యకాలంలో తోట తరణి సినిమాలు పెద్దగా చేయడం లేదు. ఆయన వయసు మీద పడడంతో సినిమాలకు దూరంగా ఉంటున్నారు. సాబు సిరిల్, రవీందర్ లాంటి ఆర్ట్ డైరెక్టర్ల హవా పెరుగుతుండంతో తోట తరణికి అవకాశాలు కూడా రాలేదు. కానీ పవన్ సినిమా కోసం తోట తరణి తీసుకొచ్చారు దర్శకుడు క్రిష్. దీనికి సంబంధించిన ఓ ఫొటోను చిత్రబృందం షేర్ చేసింది.

అందులో తోట తరణి.. పవన్ కళ్యాణ్ తో మాట్లాడుతూ కనిపించారు. ప్రస్తుతం ఈ ఫొటో సోషల్ మీడియాలో వైరల్ అవుతోంది. మొత్తానికి తమ అభిమాన హీరో సినిమా కొత్త షెడ్యూల్ మొదలుకాబోతుందని తెలుసుకున్న అభిమానులు నెట్టింట్లో సందడి చేస్తున్నారు.