Lenin Review in Telugu: లెనిన్ సినిమా రివ్యూ & రేటింగ్!

కానీ పెద్ద‌లు మాత్రం జ‌యంతి కొడుకు వ‌సంత్‌తో (ప్ర‌మోద్ పంజు) భార‌తి పెళ్లిని నిశ్చ‌యిస్తారు. ఆ త‌ర్వాత ఏమైంది? ఆప్తుడిగా న‌మ్మిన స్నేహితుడు వ‌సంత్ ….లెనిన్‌కు ఎలాంటి ద్రోహం త‌ల‌పెట్టాడు? జాత‌ర‌లో ఎవ‌రిని హ‌త్య చేసి లెనిన్ జైలు పాల‌య్యాడు? వసంత్ కుటుంబంపై య‌తిరాజు (శివాజీ) ప‌గ‌తో ర‌గిలిపోవ‌డానికి కార‌ణ‌మేమిటి? లెనిన్ కార‌ణంగా ఎమ్మెల్యే రాఘ‌వ‌రెడ్డి, దామోద‌ర కు(బ్ర‌హ్మాజీ) ఎలాంటి అవ‌మానాలు ఎదుర‌య్యాయి? లెనిన్‌ను ప్రాణంగా ప్రేమించిన భార‌త అత‌డికి ఎలా దూర‌మైంది? అన్న‌దే ఈ మూవీ క‌థ‌.

న‌టీన‌టుల ప‌నితీరు: గ‌త సినిమాల‌తో పోలిస్తే అఖిల్ (Akhil) న‌ట‌న‌లో మెచ్యూరిటీ క‌నిపించింది. కామెడీ టైమింగ్‌, డైలాగ్ డెలివ‌రీ మెరుగ‌య్యాయి. ఎమోష‌న‌ల్ సీన్ల‌లో ఆక‌ట్టుకున్నాడు. అఖిల్ సంభాష‌ణ‌లు చెప్పిన తీరు కొన్ని చోట్ల నాగార్జున‌ను గుర్తుకుతెచ్చింది. న‌టుడిగా అఖిల్‌ను ఈ సినిమా మ‌రో మెట్టు ఎక్కించింది. భాగ్య‌శ్రీ బోర్సే నాచుర‌ల్ యాక్టింగ్‌తో మెప్పించింది. డామినేష‌న్ నేచ‌ర్ క‌లిగిన అమ్మాయిగా ఆక‌ట్టుకుంది. అఖిల్‌తో ఆమె కెమిస్ట్రీ బాగుంది. మంచివాడిగా క‌నిపించే విల‌న్ పాత్ర‌లో ప్ర‌మోద్ పంజు చ‌క్క‌టి వేరియేష‌న్స్ చూపించాడు. విల‌నిజం పండించే సీన్ల‌లో అద‌ర‌గొట్టాడు. సెకండ్ ఇన్నింగ్‌లో శివాజీ చేసిన మంచి సినిమాల్లో లెనిన్ ఒక‌టిగా నిలుస్తుంది. పాజిటివ్‌గా క‌నిపించే నెగెటివ్ క్యారెక్ట‌ర్‌లో అద‌ర‌గొట్టాడు.

హీరోకు ఎలివేష‌న్లు ఇవ్వ‌డానికి సునీల్ పాత్ర‌ను డైరెక్ట‌ర్ వాడుకున్నాడు. ఈశ్వ‌రీరావు న‌ట‌న ఓకే. బ్ర‌హ్మాజీకి ఇలాంటి పాత్ర‌లు కొత్త కాదు. గెట‌ప్ శీను, ప్ర‌వీణ్‌తో పాటు సినిమాలో చాలా మందే క‌మెడియ‌న్లు ఉన్నారు. ప‌రిధుల మేర ఆక‌ట్టుకున్నారు.

సాంకేతిక వ‌ర్గం ప‌నితీరు: మ‌హాభార‌తాన్ని రిఫ‌రెన్స్‌గా తీసుకొని రూర‌ల్ బ్యాక్‌డ్రాప్‌లో లెనిన్ క‌థ‌ను రాసుకున్నాడు డైరెక్ట‌ర్ ముర‌ళీకృష్ణ అబ్బూరు. ఈ క‌థ‌ను క‌మ‌ర్షియ‌ల్ హంగుల‌తో చెప్ప‌డంలో చాలా వ‌ర‌కు స‌క్సెస్ అయ్యాడు. త‌మ‌న్ మ్యూజిక్ బాగుంది. వారేవా సాంగ్ తో పాటు యాక్ష‌న్ ఎపిసోడ్స్‌లో బీజీఎమ్ గూస్‌బంప్స్ ఫీలింగ్‌ను క‌లిగిస్తుంది.

లియాన్ బ్రిట్టో సినిమాటోగ్ర‌ఫీ క‌ల‌ర్‌ఫుల్‌గా సాగింది. జాత‌ర ఎపిసోడ్స్‌ను నాచుర‌ల్‌గా చూపించారు. సూర్య‌దేవ‌ర నాగ‌వంశీతో క‌లిసి హీరో నాగార్జున ఈ సినిమాను నిర్మించారు. క‌థ‌కు ఎంత అవ‌స‌ర‌మో అంతే బ‌డ్జెట్ పెట్టారు. వేస్టేజ్ అన్న‌ది ఎక్క‌డ క‌నిపించ‌లేదు.

విశ్లేష‌ణ‌: ప్ర‌స్తుతం టాలీవుడ్‌లో మైథాల‌జీ సినిమాలు బాక్సాఫీస్ స‌క్సెస్ ఫార్ములాగా మారిపోయాయి. పుష్ప‌, పుష్ప 2 బ్లాక్‌బ‌స్ట‌ర్స్‌తో చిత్తూరు యాస, భాష‌ల‌తో క‌థ‌లు చెప్పేందుకు ద‌ర్శ‌కులు ఆస‌క్తిని చూపుతున్నారు. ఈ రెండు ట్రెండ్స్‌ను ఫాలో అవుతూ వ‌చ్చిన సినిమానే లెనిన్. మ‌హాభార‌తం క‌థ ధ‌ర్మానికి ప్ర‌తీక‌. అంతే కాదు అందులో ఎన్నో కుట్ర‌లు, కుతంత్రాలు, వెన్నుపోట్లు కూడా ఉంటాయి. వాట‌న్నింటిని లెనిన్ క‌థ ద్వారా నేటి త‌రానికి అర్థ‌మ‌య్యేలా ఓ ప్రేమ‌క‌థ ద్వారా చెప్పే ప్ర‌య‌త్నం చేశారు ద‌ర్శ‌కుడు ముర‌ళీకృష్ణ అబ్బూరు. అడుగ‌డుగునా ఈ సినిమాలో మ‌హాభార‌తం రిఫ‌రెన్స్‌లు క‌నిపిస్తూనే ఉంటాయి. త‌న ఆప్తులు బంధువుల‌తోనే యుద్ధం చేయాల్సివ‌చ్చిన‌ప్పుడు పాండ‌వులు ఎదుర్కొన్న సంఘ‌ర్ష‌ణ‌ను హీరో పాత్ర ద్వారా అర్థ‌వంతంగా సినిమాలో చూపించారు.

మ‌హాభార‌తంలో జూదంలో పాండ‌వులు ఓడిన త‌ర్వాత ఏం జ‌రిగింద‌న్న‌ది చెబుతూ జూనియ‌ర్ ఎన్టీఆర్ వాయిస్ ఓవ‌ర్‌తో లెనిన్ ఇంట్రెస్టింగ్‌గా మొద‌ల‌వుతుంది. ఈ ఇతిహాసానికి భార‌తం మిట్ట జాత‌ర‌ను లింక్ చేస్తూ ద‌ర్శ‌కుడు క‌థ‌లోకి వెళ్లిన తీరు భ‌లేగా అనిపిస్తుంది. అక్క‌డి నుంచి హీరోహీరోయిన్ల పాత్ర‌ల ప‌రిచ‌యం, వారి ప్రేమ‌క‌థ‌తో ఫ‌స్ట్ హాఫ్ ఆహ్లాదంగా సాగిపోతుంది. మాస్ ఆడియెన్స్‌ను ఆక‌ట్టుకునేలా ల‌వ్‌స్టోరీని న‌డిపించారు. ఎమ్మెల్యే, బ్ర‌హ్మాజీ పాత్ర‌ల‌తో పాటు ఈశ్వ‌రీరావు విల‌న్ అన్న‌ట్లుగా చూపించి స‌స్పెన్స్‌మెయింటేన్ చేశారు.

సెకండాఫ్ కంప్లీట్ ఎమోష‌న‌ల్‌గా సాగుతుంది. అస‌లు విల‌న్ ఎవ‌ర‌న్న‌ది రివీల‌య్యే ఎపిసోడ్ థ్రిల్లింగ్‌గా అనిపిస్తుంది. క్లైమాక్స్‌లో కాస్తంత ర‌క్త‌పాతం ఎక్కువే అయ్యింది. అక్క‌డ వ‌చ్చే ట్విస్ట్ కూడా బాగుంది. చిత్తూరు యాస, భాష‌లు ఈ సినిమాకు ప్ల‌స్స‌య్యాయి. బ‌స్ యాక్ష‌న్ ఎపిసోడ్‌, హీరోహీరోయిన్ల పెళ్లి టైమ్‌లో వ‌చ్చే ఫైట్ సీన్లు బాగున్నాయి. జాత‌ర సీన్ పుష్ప‌ను గుర్తుకుతెస్తుంది. రూర‌ల్ ల‌వ్‌స్టోరీతో తెలుగులో సినిమా వ‌చ్చి చాలా కాల‌మైంది. ఆ లోటును లెనిన్ భ‌ర్తీ చేసింది.

ఫోక‌స్ పాయింట్: స్ట్రాంగ్‌ ఎలివేష‌న్లు, ఎమోష‌న్స్‌తో సాగే ప‌ర్‌ఫెక్ట్‌ క‌మ‌ర్షియ‌ల్ ఎంట‌ర్‌టైన‌ర్‌. మాస్ ఆడియెన్స్ మంచి విందుభోజ‌నం లాంటి సినిమా.

రేటింగ్: 3/5

Click Here To Read in ENGLISH