పూరి జగన్నాథ్ దర్శకత్వంలో విజయ్ దేవరకొండ హీరోగా నటించిన సినిమా లైగర్. ఈ సినిమా పాన్ ఇండియా స్థాయిలో ఆగస్టు 25వ తేదీ ప్రేక్షకుల ముందుకు రాబోతోంది. దగ్గర పడటంతో చిత్ర బృందం ప్రమోషన్ కార్యక్రమాలను వేగవంతం చేశారు. ఈ క్రమంలోనే చిత్ర బృందం తాజాగా బెంగళూరులో సినిమా ప్రమోషన్ కార్యక్రమాలను నిర్వహిస్తూ సందడి చేశారు. ఈ విధంగా సినిమా ప్రమోషన్ కార్యక్రమాల కోసం బెంగుళూరు వెళ్లిన చిత్ర బృందం
కన్నడ పవర్ స్టార్ దివంగత నటుడు పునీత్ రాజ్ కుమార్ సమాధిని దర్శించి ఆయనకు నివాళులు అర్పించారు. ఈ క్రమంలోనే విజయ్ దేవరకొండ, నటి అనన్య పాండే, దర్శకుడు పూరీ జగన్నాథ్ ఇతర చిత్ర బృందం కలిసి నేడు కంఠీరవ స్టేడియానికి చేరుకొని అక్కడ పునీత్ రాజ్ కుమార్ కు నివాళులు అర్పించారు. గత ఏడాది అక్టోబర్ 29వ తేదీ పునీత్ రాజ్ కుమార్ గుండెపోటుతో ఆకస్మికంగా మృతి చెందిన విషయం మనకు తెలిసిందే.
ఇలా ఈయన మరణ వార్తను ఇప్పటికీ అభిమానులు జీర్ణించుకోలేకపోతున్నారు. బాల నటుడిగా ఇండస్ట్రీలోకి అడుగుపెట్టిన పునీత్ రాజ్ కుమార్ హీరోగా మొట్టమొదటిసారి అప్పు అనే సినిమాలో నటించారు. ఇక ఈ సినిమాకి డైరెక్టర్ పూరీ జగన్నాథ్ దర్శకత్వం వహించడం విశేషం. ఈ విధంగా గొప్ప నటుడిని ఇండస్ట్రీకి హీరోగా లాంచ్ చేసిన ఘనత పూరి జగన్నాథ్ కే దక్కింది. అయితే ఈ సినిమా బ్లాక్ బస్టర్ హిట్ కావడంతో ఆయన పేరు అప్పుగానే నిలిచిపోయిందని చెప్పాలి.
ఇదే సినిమాని తెలుగులో ఇడియట్ అనే పేరుతో పూరి జగన్నాథ్ దర్శకత్వంలో రవితేజ హీరోగా నటించారు.ఇలా పూరి జగన్నాథ్ పునీత్ రాజ్ కుమార్ ను ఇండస్ట్రీకి లాంచ్ చేయడంతో వీరిద్దరి మధ్య ఎంతో మంచి అనుబంధం ఉందని చెప్పాలి. ఇక ఈ సినిమా ప్రమోషన్ కార్యక్రమాలలో భాగంగా పూరి జగన్నాథ్, పునీత్ రాజ్ కుమార్ సమాధిని దర్శించుకున్నారు.
Most Recommended Video
తరుణ్,ఎన్టీఆర్ టు కళ్యాణ్ రామ్.. సినిమాల్లో చనిపోయే పాత్రలు చేసిన స్టార్లు..!
చేయని తప్పుకి శాస్త్రవేత్తపై దేశద్రోహి కేసు..!
క్రేజీ ప్రాజెక్టులు పట్టేసిన 10 మంది కొత్త డైరెక్టర్లు.. హిట్లు కొడతారా?
Home
