కొన్ని కాంబినేషన్ల కోసం జీవిత కాలం వెయిట్‌ చేసినా ఫర్వాలేదు అనుకుంటారు ఫ్యాన్స్‌. ఎందుకంటే ఆ కాంబోలో ఒక్క సినిమా పడినా అది కలకాలం గుర్తుండిపోయేలా ఉంటుంది అనిపించడమే. అలాంటి కాంబినేషన్లలో ప్రభాస్ – లోకేశ్ కనగరాజ్‌ ఒకటి. లోకేశ్ సినిమాటిక్‌ యూనివర్స్‌తో ఓవైపు లోకేశ్ దూసుకుపోతుంటే.. మరోవైపు ప్రభాస్ యాక్షన్‌ మూవీస్‌తో పాన్‌ ఇండియా స్టార్‌ అయిపోయాడు. ఈ ఇద్దరి కాంబో కోసం ఫ్యాన్స్‌ ఎదురుచూడటంలో తప్పు లేదు.
ఈ క్రమంలో మొన్నామధ్య ఈ టీమ్‌తో ఓ సినిమా రాబోతుంది, త్వరలో అనౌన్స్‌మెంట్‌ అంటూ ఓ వార్త బయటకు వచ్చింది. హమ్మయ్య… ఓ బ్లాక్‌బస్టర్‌కి రెడీ అయిపోవడమే అని ఫ్యాన్స్‌ అనుకున్నారు. అయితే ఆ ఆశల వాల్యూమ్‌ను కాస్త తగ్గించేలా ఓ న్యూస్‌ కోడంబాక్కం వర్గాల నుండి వచ్చింది. అదే ‘ఈ సినిమా ఇంకా ఫైనల్ అవ్వలేదట’. మీరు చదివింది నిజమే ప్రభాస్- లోకేశ్ సినిమా ఇంకా ఫిక్స్‌ అవ్వలేదట. ‘లియో’ సినిమా ప్రచారంలో భాగంగా లోకేశ్ కనగరాజ్‌ ఈ విషయం చెప్పారు.
విజయ్‌తతో లోకేశ్ కనగరాజ్‌ తెరకెక్కించిన ‘లియో’ సినిమా ఈ రోజు విడుదలైంది. ఈ క్రమంలో బుధవారం చెన్నైలో మీడియాతో మాట్లాడిన లోకేశ్… ప్రభాస్‌కు కథ వినిపించాను. అయితే ప్రస్తుతం చర్చలు జరుగుతున్నాయి. సినిమా దాదాపు ఓకే అయ్యే అవకాశం ఉంది అని అన్నాడు. దీంతో అదేంటి అంతా ఓకే అన్నారు కదా… మళ్లీ ఈ అవకాశం ఉండటం ఏంటి అనే ప్రశ్న ఫ్యాన్స్‌ వర్గాల్లో వినిపిస్తోంది.
మరోవైపు లోకేశ్ ‘లియో’ తర్వాత రజనీకాంత్‌తో ఓ సినిమా (#తలైవర్‌ 171 వర్కింగ్‌ టైటిల్‌) చేస్తారు. ఆ తర్వాత కార్తితో ‘ఖైదీ 2’ ఉంటుంది. ఈ రెండు సినిమాల తర్వాత (Prabhas) ప్రభాస్‌తో సినిమా వచ్చే అవకాశాలు ఎక్కువగా ఉన్నాయని లోకేశ్ సన్నిహిత వర్గాలు చెబుతున్నాయి. అయితే మధ్యలో సూర్య ‘రోలెక్స్‌’ ఉందని కూడా అంటున్నారు. దీనిపై లోకేశే క్లారిటీ ఇవ్వాలి. ఎప్పుడిస్తారో చూద్దం. ‘లియో’ తెలుగు ప్రచారం కోసం వచ్చే వారంలో లోకేశ్ హైదరాబాద్‌ వస్తారని టాక్‌.
‘బిగ్ బాస్ 7’ వైల్డ్ కార్డ్ ఎంట్రీ నయనీ పావని గురించి 10 ఆసక్తికర విషయాలు!
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘బిగ్ బాస్ 7’ వైల్డ్ కార్డ్ ఎంట్రీ అశ్విని శ్రీ గురించి 10 ఆసక్తికర విషయాలు!
Home