ముందు “ఊ” కొడతారు.. తర్వాత “ఊహూ” అంటారు!

“పాండవులు పాండవులు తుమ్మెద” సినిమా ప్రారంభోత్సవంలో స్వయంగా మోహన్ బాబు మాట్లాడుతూ.. “ఈ సినిమా హిందీ “గోల్ మాల్ రిటర్న్స్”కు రీమేక్” అని చెప్పారు. కానీ.. విడుదల సమయంలో మాత్రం “కాదు” అని ఖరాకండిగా చెప్పారు.
ఆ తర్వాత వచ్చిన “మామ మంచు అల్లుడు కంచు” సినిమా విషయంలో అయితే.. రిలీజ్ రేపనగా ఏదో మరాఠీ సినిమా రీమేక్ అని మళ్లీ మోహన్ బాబే స్వయంగా సెలవిచ్చారు.
ఇప్పుడు మళ్లీ.. తాజా చిత్రం “ఈడోరకం ఆడోరకం” విషయంలోనూ అదే కన్ఫ్యూజన్. తొలుత ఒక పంజాబీ సినిమాకు రీమేక్ అని ప్రెస్ నోట్ సైతం విడుదల చేసారు. మరో వారం రోజుల్లో రిలీజ్ అనగా.. చాలా మార్పులు చేసాం. కాబట్టి ఆ సినిమా రీమేక్ అని ప్రస్తావించాల్సిన అవసరం లేదు అని దర్శకుడు నాగేశ్వర్రెడ్డి అంటున్నారు.
అసలెందుకిలా వాళ్లు కన్ఫ్యూజ్ అవుతూ.. జనాలను కన్ఫ్యూజ్ చేస్తున్నారో మంచు వారికే తెలియాలి!