‘మహేష్ 26’ అప్డేట్ అప్పుడే..?

టాలీవుడ్ సూపర్ స్టార్ మహేష్ బాబు ప్రస్తుతం ‘మహర్షి’ చిత్రం సక్సెస్ ను ఎంజాయ్ చేస్తున్నాడు. మహేష్ 25 వ చిత్రమైన ‘మహర్షి’ ఇప్పటికే బ్రేక్ ఈవెన్ కు చేరువలో ఉంది. ఇక ఈ చిత్రం పూర్తయిన తర్వాత ‘ఎఫ్2’ దర్శకుడు అనిల్ రావిపూడితో తన 26 వ చిత్రం చేయడానికి రెడీ అవుతున్నాడు మహేష్. పక్కా కమర్షియల్ ఎంటర్టైనర్ గా ఈ చిత్రం రూపొందనుందని సమాచారం. ఇక ఈ చిత్రానికి సంబందించిన ఓ ఆసక్తికరమైన వార్త ప్రస్తుతం ఫిలింనగర్లో హల్ చల్ చేస్తుంది.

• సీత సినిమా రివ్యూ కోసం ఇక్కడ క్లిక్ చెయ్యండి
• లిసా సినిమా రివ్యూ కోసం ఇక్కడ క్లిక్ చెయ్యండి
• ఎబిసిడి సినిమా రివ్యూ కోసం ఇక్కడ క్లిక్ చెయ్యండి
• మహర్షి సినిమా రివ్యూ కోసం ఇక్కడ క్లిక్ చెయ్యండి

మహేష్ బాబు… తండ్రి కృష్ణ పుట్టిన రోజు అయిన మే 31నే ఈ చిత్రం ప్రారంభం కానుందని సమాచారం. ఈ మే 31 కి 76వ వసంతంలోకి అడుగు పెడుతున్నారు కృష్ణ. దీంతో కృష్ణ పుట్టిన రోజు వేడుకను గ్రాండ్‌గా నిర్వహించాలని మహేష్ భావిస్తున్నాడట. అంతేకాదు తన 26 వ చిత్రానికి సంబంధించి కూడా ఓ సర్ ప్రైజ్ ఉంటుందని తెలుస్తుంది. మరి ఆ సర్ ప్రైజ్ ఏంటనేది తెలియాల్సి ఉంది. జూన్ నుండీ ఈ చిత్రాన్ని ప్రారంభించి 2020 సంక్రాంతి కానుకగా విడుదల చేయాలని చిత్ర యూనిట్ ప్లాన్ చేస్తుంది.