మహేష్ హ్యాండిస్తే…చరణ్ ఆఫర్ ఇచ్చారా?

మెగా పవర్ స్టార్ రామ్ చరణ్ రాజమౌళి ప్రతిష్టాత్మక ప్రాజెక్ట్ ఆర్ ఆర్ ఆర్ లో నటిస్తున్న సంగతి తెలిసిందే. ఆ మూవీలో ఆయన అల్లూరి సీతారామరాజు పాత్ర చేస్తున్నారు. చరణ్ బర్త్ డే కానుకగా విడుదలైన ఫస్ట్ లుక్ వీడియో విశేష ఆదరణ దక్కించుకుంది. ఛారిత్రక నేపధ్యానికి భిన్నంగా అల్లూరి సీతారామ రాజుని పోలీసుగా పరిచయం చేసి ఆసక్తిపెంచేశాడు జక్కన్న. త్వరలో ఈ మూవీ షూటింగ్ తిరిగి ప్రారంభం కానుండగా, వచ్చే ఏడాది విడుదల కానుంది.

చరణ్ తో పాటు ఆర్ ఆర్ ఆర్ లో నటిస్తున్న ఎన్టీఆర్ మరో రెండు చిత్రాలు ప్రకటించడం జరిగింది. ఆయన తన 30వ చిత్రం త్రివిక్రంతో ఆ తరువాత ప్రశాంత్ నీల్ తో మూవీ చేయనున్నాడు. ఐతే చరణ్ మాత్రం తన ఫ్యూచర్ ప్రాజెక్ట్ గురించి క్లారిటీ ఇవ్వలేదు. ఆయన తన నెక్స్ట్ మూవీ కొరటాల శివతో చేస్తున్నారని బాగా ప్రచారం జరిగింది. కొరటాలతో పాటు మరికొందరు దర్శకుల పేర్లుకూడా ప్రముఖంగా వినిపించాయి. ఐతే చరణ్ దర్శకుడు వంశీ పైడిపల్లితో ఫిక్స్ అయ్యారని తెలుస్తుంది.

ఓ న్యూ ఏజ్ యాక్షన్ డ్రామాకి సంబంధించినస్క్రిప్ట్ వంశీ పైడిపల్లి చరణ్ కి వినిపించగా ఓకె చేశాడని ప్రచారం జరుగుతుంది. ఆర్ ఆర్ ఆర్ తరువాత చరణ్ చేయబోయే ప్రాజెక్ట్ వంశీ పైడిపల్లితోనే అన్నమాట గట్టిగా వినిపిస్తుంది. ఇక గతంలో వీరిద్దరూ కలిసి ‘ఎవడు’ మూవీ చేయగా ఓ మోస్తరు విజయాన్ని అందుకుంది. ఎవడు మూవీలో హీరో బన్నీ క్యామియో రోల్ చేయడం విశేషం. మరి వీరిద్దరి కాంబినేషన్ లో రానున్న సెకండ్ మూవీ ఎలా ఉంటుందో చూడాలి. ఇక మహేష్ సరిలేరు నీకెవ్వరు మూవీ తరువాత వంశీ పైడిపల్లితో చేయాల్సివుండగా, ఎందుకో ఆయన ఈ ప్రాజెక్ట్ పక్కన పెట్టారు.

Most Recommended Video

15 డైరెక్టర్స్ కెరీర్ ను ఇబ్బందిలో పడేసిన సినిమాలు ఇవే!
కులాంతర వివాహాలు చేసుకొని ఆదర్శంగా నిలిచిన మన హీరోలు!
హీరోయిన్స్ కంటే ముందు బాలనటిగా అలరించిన తారల!