సెంటిమెంట్ ఫీల్ అవుతున్న ప్రిన్స్ ఫ్యాన్స్!

టాలీవుడ్ నుంచి తమిళ ఇండస్ట్రీ వరకూ భారీ అంచ‌నాల‌తో వ‌స్తోన్న స్పైడ‌ర్ సినిమాపై సౌత్ ఇండియాలో భారీ అంచ‌నాలు ఉన్నాయి. ఈ సినిమా తెలుగు, త‌మిళ్‌, అర‌బిక్ భాష‌ల్లో రిలీజ్ కానుంది. అయితే వరుస హిట్స్ తో అందరినీ అలరిస్తూ రికార్డుల దుమ్ము దులిపెస్తు దూసుకెళ్తున్న ప్రిన్స్ కి అనుకోకుండా తన చివ‌రి సినిమా బ్ర‌హ్మోత్స‌వం అట్ట‌ర్ ప్లాప్ గా మారడంతో ఎలా అయినా మంచి బ్లాక్ బస్టర్ హిట్ ఇవ్వాలి అన్న కసితో సినిమా చేస్తున్నాడు ప్రిన్స్. ఇక అదే క్రమంలో ఇప్పుడు ప్రిన్స్ అభిమానులు కూడా అంద‌రూ స్పైడ‌ర్ మీద భారీ అంచ‌నాలు పెట్టుకున్నారు. అయితే సినిమా వరకూ, టీజర్ వరకూ ఎలా ఉన్నా ఈ సినిమా విష‌యంలో కొన్ని బ్యాడ్ సెంటిమెంట్లు మ‌హేష్ అభిమానుల‌ను క‌ల‌వ‌ర పెడుతున్నాయి అని టాలీవుడ్ సర్కిల్స్ నుంచి వినిపిస్తున్న వార్త.

ఇంతకీ ఏంటి ఆ సెంటిమెంట్స్ అంటారా…. స్పైడ‌ర్ సినిమాకు మ్యూజిక్ అందిస్తున్న హారీష్ జైరాజ్ నేరుగా మ్యూజిక్ ఇచ్చిన తెలుగు సినిమాలు మ్యూజికల్ ప‌రంగా హిట్ అయినా క‌మ‌ర్షియ‌ల్‌గా హిట్ అవ్వ‌లేదు. వాసు, మున్నా, ఆరెంజ్‌, సైనికుడు అట్ట‌ర్ ప్లాప్ అయ్యాయి. ఇక మురుగ‌దాస్ నేరుగా తెలుగులో డైరెక్ట్ చేసిన స్టాలిన్ కూడా అంచ‌నాలు అందుకోలేదు. దీంతో ఇప్పుడు ఈ రెండు సెంటిమెంట్లు స్పైడ‌ర్‌ను ఏం చేస్తాయా ? అన్న ఆందోళ‌న మ‌హేష్‌బాబు అభిమానుల్లో నెల‌కొంది. మొత్తంగా చూసుకుంటే ఈ సెంటిమెంట్ కి బ్రేక్ పడుతుందో లేక ఇదే సెంటిమెంట్ కొనసాగి అందరినీ కలవరపెడుతుందో చూడాలి.

Also, do SUBSCRIBE to our YouTube channel to get latest Tollywood updates.