పవన్‌ కల్యాణ్‌ – త్రివిక్రమ్ – మహేష్‌బాబు.. ఈ ట్రయాంగిల్‌ స్టోరీ మళ్లీ రన్‌ అవుతోందా? ఏమో సోషల్‌ మీడియాలో డిస్కషన్‌ చూస్తుంటే అలానే అనిపిస్తోంది. ఎందుకంటే మళ్లీ మహేష్‌బాబు సినిమాను వదిలేసి.. త్రివిక్రమ్ పవన్‌ సినిమా మీదకు వచ్చారు అని అంటున్నారు. ఈ మేరకు సోషల్‌ మీడియాలో మహేష్‌బాబు ఫ్యాన్స్‌ కొందరు కామెంట్స్‌ చేస్తున్నారు. ‘చేద్దామనుకున్న సినిమా చేయకుండా వేరే సినిమాలోకి వెళ్లడం కరెక్టేనా గురూజీ’ అంటూ ఫ్యాన్స్‌ గ్రూప్స్‌లో డిస్కషన్‌ జరుగుతోంది.
మహేష్‌బాబు హీరోగా త్రివిక్రమ్ దర్శకత్వంలో ఓ సినిమా చాలా కాలం క్రితమే అనౌన్స్‌ అయ్యింది. ఆ సినిమాకు ముహూర్తం, షూటింగ్‌ కూడా జరిగిపోయాయి. ఆ తర్వాత ఏమైందో ఏమో.. సినిమా అర్ధాంతంగా ఆగిపోయింది. దాని వెనుక చాలా కారణాలు ఉన్నాయని చెబుతున్నా.. ఏది కరెక్టో, ఏది కాదో తేలడం లేదు. మరోవైపు అవన్నీ నిజం కావు అని నిర్మాతలు చెబుతున్నా.. సినిమా కొత్త (?) షెడ్యూల్‌ ఇంకా మొదలు కాకపోవడంతో అనుమానాలు ఎక్కువవుతున్నాయి.
ఈ లోపు అసలు సినిమా ఉందా అనే డౌట్‌ కూడా వచ్చింది కొతమందికి. ఈలోపు త్రివిక్రమ్ – పవన్‌ల కొత్త సినిమా మొదలైపోయింది. అదేనండీ ‘వినోదాయ చిత్తాం’ రీమేక్‌. నిజానికి ఈ సినిమాకు త్రివిక్రమ్ నేరుగా ఎలాంటి సాయం చేయడం లేదు అంటున్నారు. అంటే కథ మాతృక నుండి సముద్రఖని తెచ్చారు. మాటలకు వేరేవాళ్లను తీసుకున్నారు. స్క్రీన్‌ ప్లే సంగతి అంతే. అయితే ఆఖరి రెండింటి వెనుక త్రివిక్రమ్ ఉన్నారు అనేది ఇన్నర్‌ టాక్‌.
అంతా ఆయన కనుసన్నల్లోనే సాగుతోందట. ఆ నమ్మకంతోనే పవన్‌ మిగిలిన సినిమాలు పక్కన పెట్టి ఈ సినిమాను స్టార్ట్ చేశారు అని సమాచారం. అయితే మహేష్ సినిమా తేలకపోవడానికి, ఇంకా మొదలుకాకపోవడానికి పవన్‌ సినిమాలోకి త్రివిక్రమ్ వెళ్లిపోవడమే కారణం అంటున్నారు. అయితే సినిమా విషయంలో మహేష్ ఎటూ తేల్చకపోవడం వల్లే త్రివిక్రమ్ అటు వైపు వెళ్లారనే టాక్‌ కూడా ఉంది. మరోవైపు ప్రస్తుతం త్రివిక్రమ్ టీమ్‌ మహేష్ సినిమా కథకు తుదిమెరుగులు దిద్దుతున్నారని సమాచారం. త్వరలోనే మహేష్ సినిమా మొదలవుతుంది అంటున్నారు.
సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?
టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?
Home