Mahesh: నీ ప్రయాణం చూస్తుంటే గర్వంగా ఉంది: మహేష్ బాబు

March 6, 2023 / 07:29 PM ISTByFilmy Focus

Join Us

Mahesh: నీ ప్రయాణం చూస్తుంటే గర్వంగా ఉంది: మహేష్ బాబు

భారత టెన్నిస్ క్రీడాకారిణి సానియా మీర్జా అంతర్జాతీయ టెన్నిస్ కు వీడ్కోలు పలికిన విషయం మనకు తెలిసిందే. ఇలా ఈమె అంతర్జాతీయ టెన్నిస్ కు రిటైర్మెంట్ ప్రకటించడంతో హైదరాబాదులో పలువురు సెలబ్రిటీలను ఆహ్వానించి ఘనంగా ఫేర్ వెల్ పార్టీని అరేంజ్ చేశారు. ఈ కార్యక్రమానికి పలువురు సెలబ్రిటీలు ముఖ్య అతిథులుగా హాజరై సందడి చేశారు. ఈ క్రమంలోనే సానియా ఆహ్వానం మేరకు మహేష్ బాబు దంపతులు ఈ కార్యక్రమంలో పాల్గొని సందడి చేశారు.

ఎంతో స్టైలిష్ లుక్ లోమహేష్ నమ్రత దంపతులు అందరిని ఆకట్టుకుంటున్నారు. ప్రస్తుతం ఇందుకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఇక ఈ ఫోటోలను మహేష్ బాబు సోషల్ మీడియా వేదికగా షేర్ చేశారు. ఇలా మహేష్ బాబు ఈ ఫోటోలను షేర్ చేస్తూ… ఇన్నాళ్లు నీ ప్రయాణం చూస్తుంటే చాలా గర్వంగా ఉంది అంటూ మహేష్ బాబు ట్విట్టర్ వేదికగా ట్వీట్ చేశారు. ఇక వ్యక్తిగతంగా సానియా కుటుంబానికి మహేష్ బాబు కుటుంబానికి ఎంతో మంచి అనుబంధం ఉంది.

దీంతో ఈ కార్యక్రమంలో మహేష్ బాబు దంపతులు సందడి చేశారు.ఇక ఈ కార్యక్రమానికి పలువురు సెలబ్రిటీలు కూడా హాజరయ్యారు. ఈ క్రమంలోనే ఏఆర్ రెహమాన్ కూడా హాజరుకాగా మహేష్ బాబు రెహమాన్ కలిసి దిగిన ఫోటో కూడా ప్రస్తుతం వైరల్ అవుతుంది. ఇక మహేష్ బాబు సినిమాల విషయానికొస్తే ప్రస్తుతం ఈయన మాటల మాంత్రికుడు త్రివిక్రమ్ శ్రీనివాస్ దర్శకత్వంలో సినిమా చేస్తున్న విషయం మనకు తెలిసిందే. ప్రస్తుతం ఈ సినిమా SSMB 28 పేరిట షూటింగ్ పనులను జరుపుకుంటుంది. ఈ సినిమా తర్వాత మహేష్ బాబు రాజమౌళి సినిమాతో బిజీ కానున్నారు.