పరిశ్రమలో మహేష్ కి డైరెక్టర్స్ హీరోగా పేరుంది. ఆయన ఓ మూవీ కమిటైతే దర్శకుడు ఆదేశానుసారం చేసుకుంటూపోతారు. ఇక అంత పెద్ద సూపర్ స్టార్ అయినప్పటికీ మల్టీస్టారర్ చేయడానికి ఎప్పుడూ సిద్ధంగా ఉంటారు. విక్టరీ వెంకటేష్ తో కలిసి ఆయన చేసిన సీతమ్మవాకిట్లో సిరిమల్లెచెట్టు బ్లాక్ బస్టర్ హిట్ అందుకోవడంతో పాటు, ట్రెండ్ సెట్టర్ గా నిలిచింది. అప్పుడెప్పుడో ఎన్టీఆర్, ఏ ఎన్ ఆర్ లు కలిసి చేసిన గుండమ్మకథ, మిస్సమ్మ వంటి చిత్రాలను గుర్తు చేసింది. కాగా మరో మల్టీస్టారర్ కి మహేష్ సిద్దమైనట్లు ఓ క్రేజీ రూమర్ పరిశ్రమలో చక్కర్లు కొడుతుంది.
మహేష్ తన తదుపరి చిత్రం దర్శకుడు పరుశురాంతో చేస్తున్నారు. దీనిపై అధికారిక ప్రకటన మహేష్ త్వరలో చేయనున్నాడు. ఐతే ఇది ఓ మల్టీస్టారర్ అని మహేష్ తో పాటు మరో హీరోగా నాచురల్ స్టార్ నాని నటిస్తున్నాడంటూ తెలుస్తుంది. ఇక మహేష్ క్యారక్టర్ ఈ మూవీలో ఓ మానసిక రుగ్మత కలిగి ఉంటుందని, మహేష్ కి అన్ని వేళలా తోడుగా ఉండే తమ్ముడిగా నాని పాత్ర ఉంటుందనే స్టోరీ లైన్ కూడా బయటికి రావడం గమనార్హం. మరి ఇదే కనుక జరిగితే టాలీవుడ్ లో మరో క్రేజీ మల్టీస్టారర్ కి తెరలేచినట్లే. దీనిపై స్పష్టత రావాలంటే మహేష్ తన మూవీ ప్రకటించే వరకు ఆగాల్సిందే.
మరో వైపు నాని నటించిన వి మూవీ విడుదలకు సిద్ధంగా ఉండగా, టక్ జగదీశ్ చిత్రీకరణ జరుపుకుంటుంది. శ్రీకాంత్ ఓదెల అనే మరో యంగ్ డైరెక్టర్ తో నాని మార్ మూవీ ప్రకటించారు. కొద్దిరోజుల క్రితం ఆయన ప్రకటించిన శ్యామ్ సింగ్ రాయ్ మూవీ హోల్డ్ లో పడినట్లు వార్తలు అందుతున్నాయి.
Most Recommended Video
ఎన్టీఆర్ రిజెక్ట్ చేసిన 12 సినిమాలు!
తెలుగు హీరోలను చేసుకున్న తెలుగురాని హీరోయిన్స్
అందమైన హీరోయిన్స్ ని పెళ్లి చేసుకున్న టాలీవుడ్ విలన్స్
