డైరెక్టర్ జక్కన్న జూనియర్ ఎన్టీఆర్, రామ్ చరణ్ తేజ్ తో కలసి ‘ఆర్ఆర్ఆర్’ అనే భారీ బడ్జెట్ సినిమా తీస్తున్న విషయం తెలిసిందే. ఈ సినిమా అన్ని అనుకున్న సమయానికి పూర్తి చేసుకుంటే 2020 లో రిలీజ్ అయ్యే ఛాన్స్ ఉందని చెబుతున్నారు. అయితే 2020 సమ్మర్ కి వస్తుందని అనుకున్న ఇంకాస్త లేట్ అయిన పెద్దగా ఆశ్చర్యం లేదని అంటున్నారు. దీనితో జూనియర్ ఎన్టీఆర్, రామ్ చరణ్ తేజ్ పూర్తిగా రెండు సంవత్సరాలు ఈ సినిమా షూటింగ్ లోనే ఉంటారు. ఈ సినిమా చేస్తూ ఇంకో సినిమా చేస్తారనే గ్యారెంటీ అసలు లేదని అంటున్నారు.
ఇక ఈ గ్యాప్ లో మిగిలిన టాప్ హీరోలు మహేష్ బాబు, ప్రభాస్, అల్లుఅర్జున్ వరుస సినిమాలను లైన్ లో పెట్టె పనిలో ఉన్నారు. ఇప్పటికే సూపర్ స్టార్ మహేష్ బాబు వంశీ పైడిపల్లి దర్శకత్వంలో చేస్తున్న ‘మహర్షి’ సినిమా షూటింగ్ పూర్తికావచ్చింది. ఈ సినిమా వచ్చే ఏడాది లో రిలీజ్ కానుండగా, మహేష్ తన తదుపరి సినిమా కూడా వచ్చే ఏడాది చివర్లో రిలీజ్ అయ్యేట్లుగా ప్లాన్ చేస్తున్నాడట. ఇలా మహేష్ బాబు ఒకే ఏడాది రెండు సినిమాలు రిలీజ్ చేసి మిగితా హీరోలకి గట్టి పోటీనివ్వనున్నాడు.
హీరో ప్రభాస్ ఇప్పటికే ‘సాహూ’ సినిమా షూటింగ్ లో బిజీ గా ఉన్నాడు. భారీ బడ్జెట్ తో యాక్షన్ ఎంటర్టైనర్ గా రిచ్ గా తీస్తున్న సినిమా కావడం, బాహుబలి సినిమా తరువాత ప్రభాస్ నటిస్తున్న సినిమా ఇది కావడంతో ఈ సినిమా పై భారీ అంచనాలే ఉన్నాయి. ఈ సినిమా కూడా వచ్చే ఏడాది లో రిలీజ్ ప్లాన్ చేస్తున్నారు. ఈ సినిమాతో పాటు ప్రభాస్ తరువాత రాధాకృష్ణ తో చేయబోయే సినిమా కూడా వచ్చే ఏడాదిలోనే రిలీజ్ చేసే ఆలోచనలో ఉన్నారట. అంటే ప్రభాస్ కూడా వచ్చే ఏడాది రెండు సినిమాలు రిలీజ్ చేసి గట్టి పోటీని ఇవ్వబోతున్నాడు.
అదేవిధంగా స్టైలిష్ స్టార్ అల్లుఅర్జున్ త్రివిక్రమ్ తో చేయబోయే సినిమా, మరొక యంగ్ డైరెక్టర్ తో చేయబోయే సినిమా కూడా వచ్చే ఏడాది లోనే రిలీజ్ చేయాలనే ఆలోచనలో ఉన్నాడట. ఇక రాజమౌళి కారణంగా జూనియర్ ఎన్టీఆర్, రామ్ చరణ్ ఈ రేసునుండి తప్పుకోగా, మహేష్, ప్రభాస్, అల్లుఅర్జున్ ముగ్గురిలో ఎవరు బాక్సాఫీస్ ని షేక్ చేస్తారు, ఎవరు సక్సెస్ విషయంలో ముందుంటారనేది ఆసక్తికరంగా మారింది.
