Mahesh Babu, Rajamouli: మహేష్ ప్లానింగ్ రైట్ అవుతుందా.. అలా సక్సెస్ సాధిస్తారా?

మహేష్ బాబు పరశురామ్ కాంబినేషన్ లో తెరకెక్కిన సర్కారు వారి పాట సినిమా విడుదలై ఏడాది అయింది. మహేష్ బాబు త్రివిక్రమ్ కాంబినేషన్ లో తెరకెక్కుతున్న గుంటూరు కారం 2024 సంవత్సరం సంక్రాంతి పండుగను టార్గెట్ చేసుకున్నా ఆ సమయానికి రిలీజవుతుందో లేదో కచ్చితంగా చెప్పలేం. మహేష్ జక్కన్న కాంబో మూవీ 2027లో రిలీజ్ అవుతుందని ఫ్యాన్స్ ఫిక్స్ అవుతుండటం గమనార్హం. సర్కారు వారి పాట మూవీ తర్వాత ఐదేళ్లలో కేవలం మహేష్ నటించిన రెండు సినిమాలు మాత్రమే రిలీజయ్యే ఛాన్స్ ఉంది.

అందువల్లే రాజమౌళి డైరెక్షన్ లో నటిస్తూనే (Mahesh Babu) మహేష్ మరో సినిమాలో నటిస్తే బాగుంటుందని కామెంట్లు వ్యక్తమవుతున్నాయి. టాలీవుడ్ స్టార్ హీరో రామ్ చరణ్ ఆర్.ఆర్.ఆర్ సినిమాలో నటిస్తున్న సమయంలోనే ఆచార్య సినిమాలో నటించిన సంగతి తెలిసిందే. రాజమౌళిని రిక్వెస్ట్ చేసి మహేష్ బాబు కూడా ఇదే విధంగా చేస్తే బాగుంటుందని అభిప్రాయాలు వ్యక్తమవుతున్నాయి. మహేష్ జక్కన్న మూవీ కోసం ఈ ఏడాది చివరి నుంచి ట్రైనింగ్ తీసుకోనున్నారని సమాచారం.

ఈ ట్రైనింగ్ ఒకింత కఠినంగానే ఉంటుందని ఇండస్ట్రీ వర్గాల్లో వినిపిస్తోంది. మరోవైపు గుంటూరు కారం సినిమాలోని ఒక ఫైట్ సీన్ కోసం అనల్ అరసు పని చేస్తున్నారని సమాచారం. గతంలో కొరటాల శివ, బాబీ సినిమాలకు పని చేసిన ఈ యాక్షన్ కొరియోగ్రాఫర్ కు టాలీవుడ్ ఇండస్ట్రీలో, ఇతర ఇండస్ట్రీలలో మంచి పేరు ఉంది. గుంటూరు కారం మూవీలో ఒక్కో యాక్షన్ సీన్ కు ఒక్కో ఫైట్ మాస్టర్ పని చేయనున్నారని సమాచారం అందుతోంది.

గుంటూరు కారం సినిమా బాక్సాఫీస్ వద్ద సరికొత్త రికార్డులు క్రియేట్ చేయాలని అభిమానులు కోరుకుంటున్నారు. మహేష్ రాజమౌళి కాంబో మూవీ బాక్సాఫీస్ వద్ద చరిత్ర సృష్టిస్తుందని, చరిత్ర తిరగరాస్తుందని కామెంట్లు వ్యక్తమవుతున్నాయి.

రంగబలి సినిమా రివ్యూ & రేటింగ్!

రుద్రంగి సినిమా రివ్యూ & రేటింగ్!
18 స్టార్ హీరోయిన్ల చిన్ననాటి రేర్‌ ఫోటోలు వైరల్!