Mahesh Babu: ‘పెన్నీ’ సాంగ్‌ గురించి ఆసక్తికర విషయం చెప్పిన మహేష్‌!

మహేష్‌బాబు తనయ సితార ఎంత యాక్టివో మనందరికీ తెలుసు. సోషల్‌ మీడియాలో ఎప్పుడూ సందడి చేస్తూ ఉంటుంది. తన వీడియోల కింద కామెంట్స్‌కు సరదా రిప్లైలు ఇస్తూ అదరగొడుతుంటుంది కూడా. అలాంటి సితార ఇప్పుడు ‘సర్కారు వారి పాట’ సినిమాలో ఓ పాటలో స్టెప్పులేసింది. ఈ వీడియో ఇప్పటికే విడుదలైంది కూడా. దీనికి సంబంధించి ఏదైనా ఆసక్తికర విషయం చెప్పండి అని మహేష్‌ను అడిగితే చాలా ఇంట్రెస్టింగ్‌ విషయం చెప్పాడు.

‘సర్కారు వారి పాట’లో ‘పెన్నీ..’ అనే పాటలో సితార స్టెప్పులేసిన విషయం తెలిసిందే. ఆ పాట షూటింగ్‌ అయిపోయిన తర్వాత ‘సినిమాలో నన్నెందుకు తీసుకోలేదు అంటూ మహేష్‌ను సితార అడుగుతోంద’ట!. ఈ విషయం మహేష్‌బాబే చెప్పారు. అంతేకాదు ఈ పాటలో సితారను నటింపజేయాలనే ఆలోచన ఎవరిది, ఆ తర్వాత ఏం జరిగింది అనే విషయాలను కూడా చెప్పాడు మహేష్‌. ‘పెన్నీ..’ సాంగ్‌లో సితారను నటింపచేయాలనే ఆలోచన తమన్‌దేనట. సినిమా క్లైమాక్స్‌ టెన్షన్‌లో ఉన్నప్పుడు తమన్‌ వచ్చి ఈ ఐడియా చెప్పారట.

మహేష్‌ ఆలోచించేలోపు నమ్రతని కలసి డిస్కస్‌ చేసేశాడట. ఈ విషయం సితారతో మాట్లాడితే వెంటనే ఓకే అయిపోయిందట. అలా ‘పెన్నీ..’ సాంగ్‌లోకి సితార వచ్చింద. ఈ మొత్తం ప్రక్రియ రెండు, మూడు రోజుల్లోనే జరిగిపోయిందట. ‘పెన్నీ..’ పాటలో సితార ఉందనే విషయం నాకు తెలిసేలోపే సితార షూట్‌లో కూడా పాల్గొనేసిందట. అంతేకాదు ఇప్పుడొచ్చి ‘అసలు నన్నెందుకు సినిమాలోకి తీసుకోలేదు’ అని అడుగుతోందట.

మరి సితార వీడియో చూశాక మీ ఫీలింగ్‌ ఏంటి అని మహేష్‌ని అడిగితే సగటు తండ్రి లాగా… ‘నా కూతురిని చూసి ఎంతో గర్వంగా ఫీలవుతున్నా. పెద్ద నటి అవుతుంది’ అని అన్నాడు. మహేష్‌ తనయుడు గౌతమ్‌ ఇప్పటికే ‘వన్‌ నేనొక్కడినే’ నటించాడు. అయితే తండ్రీ కొడుకులకు సీన్స్‌ ఉండవు. ఎందుకంటే చిన్ననాటి మహేష్‌గానే గౌతమ్‌ కనిపించాడు. ఇప్పుడు ‘పెన్నీ..’ సాంగ్‌తో కూతురు కూడా తండ్రి సినిమాలో పార్ట్‌ అయ్యింది.

దొంగాట సినిమా రివ్యూ & రేటింగ్!

Most Recommended Video

అశోకవనంలో అర్జున కళ్యాణం సినిమా రివ్యూ & రేటింగ్!
ఎన్టీఆర్- బాలయ్య టు చిరు-చరణ్… నిరాశపరిచిన తండ్రీకొడుకులు కాంబినేషన్లు!
ఈ 10 మంది దర్శకులు… గుర్తుండిపోయే సినిమాలు!