మళ్ళీ పెద్దోడు -చిన్నోడు కాంబినేషన్లో సినిమా వస్తోందట..!

October 12, 2020 / 09:30 AM ISTByFilmy Focus

Join Us

మళ్ళీ పెద్దోడు -చిన్నోడు కాంబినేషన్లో సినిమా వస్తోందట..!

అక్టోబర్ 7న ‘ఖలేజా’ సినిమా విడుదలయ్యి 10 ఏళ్ళు పూర్తయిన సందర్భంగా మహేష్ బాబు ఓ ట్వీట్ వేసిన సంగతి తెలిసిందే. ఆ ట్వీట్లో ‘నా గుడ్ ఫ్రెండ్ త్రివిక్రమ్ తో అతి త్వరలో ఓ సినిమా చేయబోతున్నట్టు తెలియజేసాడు. దాంతో మహేష్ ఫ్యాన్స్ చాలా హ్యాపీగా ఉన్నారు. నిజానికి మహేష్ – త్రివిక్రమ్ ల మధ్య చిన్న గ్యాప్ వచ్చిందని.. అందుకే ఇప్పటి వరకూ వీరి కాంబినేషన్లో సినిమా రాలేదని మొన్నటి వరకూ టాక్ వినిపించింది. ఖలేజా తరువాత త్రివిక్రమ్…. మహేష్ ను కలిసి ఎన్నో కథలు వినిపించాడట. అయితే ఏదో ఒక కారణం చెప్పి… ఆ కథల్ని రిజెక్ట్ చేసాడు మహేష్.

దాంతో త్రివిక్రమ్… మహేష్ ను పట్టించుకోవడం మానేశాడు. అయితే మహేష్ సతీమణి నమ్రత రంగంలోకి దిగి వీరిద్దరినీ మళ్ళీ కలిపినట్టు తెలుస్తుంది. ‘సర్కారు వారి పాట’ పూర్తయిన వెంటనే త్రివిక్రమ్ డైరెక్షన్లో మహేష్ సినిమా ఉంటుందనేది ఇండస్ట్రీ టాక్. ‘హారిక అండ్ హాసిని క్రియేషన్స్’ వారు ఈ చిత్రాన్ని నిర్మించే అవకాశాలు ఉన్నాయట. అయితే ఈ ప్రాజెక్ట్ ఒక మల్టీ స్టారర్ అనేది తాజా సమాచారం. గతంలో వెంకటేష్ – త్రివిక్రమ్ కాంబినేషన్లో ఓ సినిమా తెరకెక్కబోతుందని.. ‘హారిక అండ్ హాసిని క్రియేషన్స్’ వారే అధికారిక ప్రకటన చేసారు.

ఆ ప్రాజెక్ట్ లో కథ ప్రకారం మరో హీరో కూడా నటించాల్సి ఉందట. మొదట పవన్ కళ్యాణ్ అనుకున్నారట. ఇప్పుడు మహేష్ ను ఫిక్స్ చేసినట్టు తెలుస్తుంది. అదే కనుక నిజమైతే ‘సీతమ్మ వాకిట్లో సిరిమల్లె చెట్టు’ తరువాత మరోసారి పెద్దోడు చిన్నోడుని ఓకే స్క్రీన్ పై చూసే అవకాశం దక్కుతుంది. చూడాలి మరి ఈ వార్తలో ఎంత వరకూ నిజం ఉందో…!