త్రివిక్రమ్ – మహేష్ బాబు లది సూపర్ హిట్ కాంబినేషన్ ఏమీ కాదు. వీళ్ళు చేసిన ‘అతడు’ ‘ఖలేజా’ చిత్రాలు బ్లాక్ బస్టర్లు అయితే కాలేదు. ‘అతడు’ అప్పటి రోజుల్లో బయ్యర్స్ ను సేఫ్ చేసినప్పటికీ నిర్మాతకు కొంత నష్టాలనే మిగిల్చింది. అయితే శాటిలైట్ రైట్స్ పుణ్యమా అని తరువాత నిర్మాత కూడా సేఫ్ అయిపోయాడు. అయితే ‘ఖలేజా’ చిత్రం డిజాస్టర్ గా మిగిలింది. ఈ చిత్రాన్ని కూడా బుల్లితెర పై బాగానే ఆదరించారు. కానీ థియేటర్లలో ఉన్నప్పుడు..
దీని మొహం కూడా చూసిన వాళ్ళు లేరు. అయినప్పటికీ మహేష్ బాబు – త్రివిక్రమ్ కాంబినేషన్లో సినిమా రావాలని అభిమానులతో పాటు సాధారణ ప్రేక్షకులు కూడా కోరుకుంటున్నారు. గతేడాది వరకూ వీరి మధ్య మనస్పర్ధులు రావడంతో దూరంగా ఉంటున్నారంటూ ప్రచారం జరుగింది. అయితే మహేష్… సందర్భం వచ్చిన ప్రతీసారి త్రివిక్రమ్ నా మంచి స్నేహితుడు అంటూ ట్వీట్లు వేస్తూనే ఉన్నాడు. ఈరోజు త్రివిక్రమ్ పుట్టినరోజు కావడంతో విషెస్ చెబుతూ ట్వీట్ వేసాడు.
అయితే ‘ఖలేజా’ 10 ఏళ్ళు పూర్తయిన నేపథ్యంలో అతి త్వరలో త్రివిక్రమ్ తో సినిమాచెయ్యబోతున్నట్టు ట్వీట్ చేసిన మహేష్.. ఈరోజు మాత్రం సినిమా గురించి స్పందించకపోవడం గమనార్హం. పుట్టినరోజు శుభాకాంక్షలు మాత్రమే చెప్పి ఊరుకున్నాడు..! దీంతో ‘వీరి కాంబినేషన్లో సినిమా ఉన్నట్టా లేనట్టా’ ‘ట్వీట్లు తరువాత ముందు సినిమా గురించి చెప్పండి’ అంటూ నెటిజన్లు కామెంట్లు పెడుతున్నారు.
Most Recommended Video
‘ఆర్.ఆర్.ఆర్’ : భీమ్ పాత్రకు రాజమౌళి ఆ పాయింటునే తీసుకున్నాడా?
‘బిగ్ బాస్’ అఖిల్ గురించి మనకు తెలియని విషయాలు..!
టాలీవుడ్లో 30 కోట్ల మార్కెట్ కలిగిన హీరోలు ఎవరో తెలుసా?
Home