సూపర్ స్టార్ మహేష్ బాబు అభిమానులు ఎప్పటి నుంచో ఎదురు చూస్తున్న 23 మూవీ లుక్ ఈ రోజు రిలీజ్ అయింది. ఎ.ఆర్.మురుగదాస్ దర్శకత్వంలో రూపుదిద్దుకున్న ఈ మూవీ టైటిల్ కూడా రివీల్ అయింది. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ భారీ చిత్రానికి ‘స్పెడర్’ అనే టైటిల్ని ఖరారు. అయితే స్పైడర్ అంటే సాలీడు అనే అర్ధంలో కాకుండా అనుక్షణం నిఘా వేసేవాడిగా డైరక్టర్ “స్పై” పదాన్ని ఉపయోగించి తన క్రియేటివిటీని బయటపెట్టారు. ఇక ఫస్ట్ లుక్ గా రెండు చిత్రాలను పరిశీలిస్తే ఇంటెలిజెంట్ ఆఫీసర్ లుక్ లో మహేష్ చాలా పవర్ ఫుల్ గా కనిపిస్తున్నారు.
ఫార్మల్ వేర్ లో ఉన్నప్పటికీ చేతిలో గన్, కళ్ళలో ఫైర్ చూస్తుంటే వేటాడేందుకు సిద్ధంగా ఉన్నట్లుగా అనిపిస్తోంది. హీరోయిన్ గా రకుల్ప్రీత్ సింగ్, విలన్ గా ఎస్.జె.సూర్య నటిస్తున్న ఈ మూవీకి హరీష్ జయరాజ్ సంగీతాన్ని అందిస్తున్నారు. క్లైమాక్స్, రెండు పాటలు మినహా షూటింగ్ పూర్తి చేసుకున్న ఈ చిత్రాన్ని జూన్ 23న తెలుగు, తమిళ భాషల్లో ప్రపంచ వ్యాప్తంగా విడుదల చేయనున్నారు.
Also, do SUBSCRIBE to our YouTube channel to get latest Tollywood updates.
