ప్రొఫిషినల్ లైఫ్, పర్సనల్ లైఫ్ ని సమానంగా చూసే నటుడు మహేష్ బాబు. షూటింగ్ ఒత్తిడిలు ఎన్ని ఉన్నా ఒక భర్తగా, తండ్రిగా తన బాధ్యతను నెరవేరుస్తుంటారు. తమిళ దర్శకుడు ఏ ఆర్ మురుగదాస్ దర్శకత్వంలో మహేష్ స్పైడర్ మూవీ చేస్తున్నారు. మే నాటికి ఈ సినిమా ప్రొడక్షన్ వర్క్ పూర్తి కావాలి. కానీ క్లైమాక్స్ విషయంలో మార్పు చేయడం వల్ల ఈ నెల కూడా షూటింగ్ చేస్తున్నారు. మొన్నటి వరకు రామోజీ ఫిలిం సిటీలో యాక్షన్ సీన్స్ లో పాల్గొన్న మహేష్.. రీల్ లైఫ్ కి కొన్ని రోజులు బ్రేక్ ఇచ్చారు. తన పిల్లలు గౌతమ్, సితారకు ప్రస్తుతం వేసవి సెలవలు కావడంతో వారికోసం కొన్ని రోజులు కేటాయించారు.
భార్య, పిల్లలను వేసవి విహారానికి తీసుకెళ్లారు. వీరందరూ ఇప్పుడు గోవాలో సేదతీరుతున్నారు. ఈ హాలీడేస్ పూర్తి అయినా తర్వాత మిగిలిన క్లైమాక్స్ ఫైట్ ని పూర్తి చేస్తారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ నిర్మిస్తున్న ఈ చిత్రం ఆగస్టు 9న విడుదల కానుంది.
Also, do SUBSCRIBE to our YouTube channel to get latest Tollywood updates.
