ప్రిన్స్ రెడీ అవుతున్నాడు!!!

టాలీవుడ్ ప్రిన్స్ మహేష్ బాబు నటిస్తున్న “బ్రహ్మోత్సవం” సినిమా ప్రముఖ దర్శకుడు శ్రీకాంత్ అడ్డాల దర్శకత్వంలో తెరకెక్కుతున్న విషయం అందరికీ తెలిసిందే. అయితే ఈ సినిమాపై మొదటినుంచీ భారీ అంచనాలే నెలకొన్నాయి. ఇదిలా ఉంటే ఈ చిత్రం మొత్తం విజయవాడ బ్యాక్ డ్రాప్ లో అవుట్ అండ్ అవుట్ ఫ్యామిలీ ఎంటర్టైనర్ గా రూపొందుతుంది. ప్రస్తుతం పోస్ట్ ప్రొడక్షన్ పనులు జరుపుకుంటున్న క్రమంలోనే, ఈ సినిమాలో మహేష్ బాబు పాత్రకు డబ్బింగ్ సైతం పూర్తి చేశాడు ప్రిన్స్. ఇక మరో పక్క మిగిలిన వాళ్ళ డబ్బింగ్ కార్యక్రమాలు శేరవేగంగా జరుగుతున్నాయి.

ఇక మొదటి నుంచి ఈ సినిమాపై పాసిటివ్ వైబ్రేషన్స్ ఉండడంతో ….ఇప్పటికే విడుదల అయిన పోస్టర్స్ నుండి ట్రైలర్స్ ఈ సినిమాపై అంచనాలు మరింత పెంచేశాయి. ఈ బుదవారం అంటే 14న ఫస్ట్ కాపీని రెడీ చేసి సెన్సార్ చేయించడానికి అన్ని పనులు చాలా వేగంగా చేస్తున్నట్లు సమాచారం. ఇక మరో పక్క మన నిర్మాత పి వి పి, మహేష్ లు కలిసి ఈ సినిమాను భారీగా ప్రమోట్ చెయ్యాలి అన్న ఆలోచనతో ప్రమోషన్స్ ను స్టార్ట్ చేశారు. ఇక ఈ సినిమాలో మహేష్ తో అందాల భామలు సమంత, కాజల్, ప్రణీతలు రొమ్యాన్స్ చేశారు. ఈ 20న భారీగా ఉడుదల అవుతున్న ఈ చిత్రం ఎలాంటి విజయాన్ని సాధిస్తుందో చూడాలి.