సూపర్ స్టార్ మహేష్ బాబు ఇన్వెస్టిగేట్ ఆఫీసర్ గా నటించిన స్పైడర్ మూవీ తుది మెరుగులు దిద్దుకుంటోంది. మురుగదాస్ దర్శకత్వంలో తెరకెక్కిన ఈ మూవీ ప్రొడక్షన్, పోస్ట్ ప్రొడక్షన్ పనులను మహేష్ పూర్తి చేశారు. ప్రచారంలోకి త్వరలో దిగనున్నారు. అలాగే కొరటాల శివ దర్శకత్వంలో భరత్ అనే నేను సినిమా షూటింగ్ లో పాల్గొంటున్నారు. ఈ బిజీ షెడ్యూల్ లో ఉండగా ఖైరతాబాద్ ఆర్టీఏ ఆఫీస్ కి వచ్చారు. ఆయన కొన్న కొత్త కారు రిజిస్ట్రేషన్ చేసుకునేందుకు వచ్చినట్లు అధికారులు తెలిపారు. మహేష్ బాబు ఫింగర్ ప్రింట్స్ ని అధికారులు నమోదు చేశారు. అదేవిధంగా డిజిటల్ సంతకం చేశారు.
ఆఫీస్ కి మహేష్ స్వయంగా కారు నడుపుకుంటూ రావడంతో, అతని చూసేందుకు అభిమానులు ఎగబడ్డారు. పోలీసులు సైతం సెల్ఫీ తీసుకునేందుకు ఆసక్తి కనబరిచారు. ఇక మహేష్ సినిమా విషయానికి వస్తే స్పైడర్ ఈనెల 27 న రిలీజ్ కానుంది. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై ఎన్.వి.ప్రసాద్ తెలుగు, తమిళ భాషల్లో నిర్మించిన స్పైడర్ పై భారీ అంచనాలున్నాయి.
Also, do SUBSCRIBE to our YouTube channel to get latest Tollywood updates.
