‘ఆర్మీ ఆఫీసర్‌’గా మహేష్.. కేక పుట్టిస్తోన్న ‘సరిలేరు నీకెవ్వరు’ లీక్డ్ లుక్

మహేష్ బాబు తన 26 వ చిత్రాన్ని అనిల్ రావిపూడి డైరెక్షన్లో చేయబోతున్న సంగతి తెలిసిందే. ‘సరిలేరు నీకెవ్వరు’ అనే టైటిల్ తో ఈ చిత్రం రూపొందుతుంది. మిలిటరీ నేపథ్యంలోనూ మొదలయ్యి రాయలసీమ ఫ్యాక్సనిజం చుట్టూ తిరిగే కథాంశంతో ఈ చిత్రం రూపొందుతుంది. ఇక ఆర్మీ లో పనిచేసే జవాన్ లా మహేష్ లుక్ ఎలా ఉండబోతుందా అని అందరూ ఎంతో ఆసక్తితో ఎదురుచూసారు. తాజాగా ఆ లొకేషన్స్ నుండీ ఓ పిక్ లీకయ్యింది. ఇందులో ఆర్మీ డ్రెస్ వేసుకుని మహేష్ తన తోటి సైనికులతో మాట్లాడుతున్నాడు. పక్కన రాజేంద్రప్రాసాద్ కూడా ఉన్నాడు.

అయితే ‘మహర్షి’ లో డిఫరెంట్ లుక్ లో కనిపించిన మహేష్ ఈ చిత్రంలో మళ్ళీ పాత లుక్ కు వచ్చేసినట్టు కనబడుతుంది. మహేష్ సూపర్ స్టైలిష్ గా ఉన్నాడు.. అందులో ఏమాత్రం అనుమానం లేదు. కానీ మళ్ళీ అదే పాత లుక్ అయ్యేసరికి కొంతమంది మహేష్ అభిమానులు నిరాశకు గురయ్యారు. ఇక నెట్టింట్లో ఈ లుక్ తెగ వైరల్ అవుతుంది. 2020 సంక్రాంతి కానుకగా ఈ చిత్రం విడుదల కానుంది. దిల్ రాజు, రామబ్రహ్మం సుంకర ఈ చిత్రాన్ని కలిసి నిర్మిస్తుండగా మహేష్ బాబు కూడా సహా నిర్మాతగా వ్యవహరిస్తున్నాడు. దేవి శ్రీ ప్రసాద్ ఈ చిత్రానికి సంగీత దర్శకుడు.