Malavika Mohanan: ఆమె బయోపిక్‌ చేయాలని ఉంది.. మనసులో మాట చెప్పిన మాళవిక

మనం ఇంతకుముందు చెప్పుకున్నట్లే.. సినిమాల్లో పెద్దగా బిజీగా లేకపోయినా.. సోషల్‌ మీడియాలో యాక్టివ్‌గా ఉండే హీరోయిన్‌ మాళవికా మోహనన్‌ (Malavika Mohanan)  . అలా అని సినిమాలు చేయడం లేదా అంటే చేస్తోంది. కానీ సగటు కుర్ర హీరోయిన్‌లా వరుస సినిమాలు అయితే చేయడం లేదు. ఆ విషయం వదిలేస్తే.. రీసెంట్గా ఆమె ఎక్స్‌ (మాజీ ట్విటర్‌)లో అభిమానులతో మాట్లాడింది. ఈ క్రమంలో ‘తెలుగు’ ట్వీట్‌ విషయం చర్చకు వచ్చింది. తన కొత్త సినిమా ‘తంగలాన్‌’ (Thangalaan) ప్రచారంలో భాగంగా మాళవిక ఇటీవల మరోసారి అభిమానులతో మాట్లాడింది.

Malavika Mohanan

తానెన్ని సార్లు ట్వీట్‌ చేసినా మాళవిక నుండి సమాధానం రావడం లేదు అంటూ ‘మాళవిక.. తెలుగు ట్వీట్స్‌కు రిప్లై ఇవ్వట్లేదు’ అని ఓ అభిమాని పోస్ట్‌ చేశాడు. ఆ అభిమాని ట్వీట్‌పై మాళవిక స్పందించింది. ‘‘మీరు అన్నమాట నిజం కాదు. నా స్నేహితుల్లో కొంతమంది తెలుగువారే. తెలుగు ప్రజలంటే నాకు చాలా ఇష్టం అని రిప్లై ఇచ్చింది.

అంతేకాదు మీ మీద నాకు అభిమానం ఉండటం వల్లే తెలుగులో ఓ సినిమా చేస్తున్నా. మీరంతా నన్ను ఆదరించాలి అని రాసుకొచ్చింది మాళవిక. ఆమె ఇప్పుడు ప్రభాస్‌తో ‘రాజాసాబ్‌’  (The Rajasaab)  సినిమా చేస్తున్న విషయం తెలిసిందే. అయితే మరి ప్రభాస్‌పై మీ అభిప్రాయం చెప్పండి అని అడిగితే.. చిత్రీకరణలో పాల్గొన్న ప్రతిసారి రుచికరమైన ఆహారాన్ని అందిస్తారు అని రిప్లై ఇచ్చింది.

హీరోయిన్‌గా మీ లక్ష్యం ఏంటి అని ప్రశ్న అడిగితే.. బోల్డ్‌, స్ట్రాంగ్‌ పెర్ఫామెన్స్‌ చేయాలి. సూపర్‌ స్టార్‌ స్టేటస్‌ను అందుకోవాలి అని తన మనసులో మాట చెప్పింది. మరి బయోపిక్‌లో నటించే ఇంట్రెస్ట్‌ ఏమన్నా ఉందా అని అడిగితే.. పీటీ ఉష బయోపిక్‌లో నటించాలనేది నా కల. నేను ట్రాక్‌ రన్నర్‌గా ఉన్న సమయంలో ఆమె నుండి స్ఫూర్తి పొందా అని చెప్పింది. ఈ నేపథ్యంలో ఎవరైనా రచయిత, దర్శకుడు ఈ ఆలోచన ఏమన్నా చేస్తారేమో చూడాలి.

Deiii not true! Some of my closest friends are Telugu! I love Telugu people..that’s why only no I’m doing a film there now ☺️ you guys give me sooo much love https://t.co/rV2dtVMyRR

— Malavika Mohanan (@MalavikaM_) August 11, 2024