Mammootty: మణిరత్నంకి నో చెప్పిన స్టార్ హీరో!

September 9, 2021 / 10:26 AM ISTByFilmy Focus

Join Us

Mammootty: మణిరత్నంకి నో చెప్పిన స్టార్ హీరో!

తమిళనాడు రాజకీయ నేతలు ఎంజీఆర్, కరుణానిధి, జయలలిత జీవితాల ఆధారంగా గతంలో ‘ఇద్దరు’ అనే సినిమాను రూపొందించారు. మోహన్ లాల్, ప్రకాష్ రాజ్, ఐశ్వర్యరాయ్ ముఖ్య పాత్రల్లో నటించిన ఈ సినిమా కమర్షియల్ గా వర్కవుట్ అవ్వనప్పటికీ విమర్శకుల ప్రశంసలు అందుకుంది. ఈ సినిమాలో ఎంజీఆర్ పాత్రను చక్కగా ప్రదర్శించాడు మోహన్ లాల్. ఇక కరుణానిధి పాత్రను ప్రకాష్ రాజ్ పండించాడు. అయితే నిజానికి ముందుగా కరుణానిధి పాత్ర కోసం ప్రకాష్ రాజ్ ను అనుకోలేదట.

ఆ పాత్రకు ముందుగా దర్శకుడు మణిరత్నం అనుకున్నది మమ్ముట్టినట. మోహన్ లాల్, మమ్ముట్టిల కాంబినేషన్ లో ఆ సినిమాను రూపొందించాలని మణిరత్నం భావించాడు. ఆ మేరకు ఇద్దరినీ సంప్రదించారట. మోహన్ లాల్ ఓకే అన్నాడు కానీ.. మమ్ముట్టి మాత్రం ముందుకు రాలేదు. ఆ విషయాన్ని మమ్ముట్టి స్వయంగా వెల్లడించారు. కరుణానిధి మరణించిన సమయంలో ‘ఇద్దరు’ సినిమా ప్రస్తావన తీసుకొచ్చాడు మమ్ముట్టి. తను కరుణానిధి పాత్రను చేయాల్సిందని.. అయితే మిస్ అయ్యానంటూ మమ్ముట్టి చెప్పాడు.

మమ్ముట్టి కాదన్న తరువాత ఆ పాత్రకు చాలా మందిని అనుకున్నారట మణిరత్నం. కమల్, శరత్ కుమార్, నానా పటేకర్, సత్యరాజ్ వంటి వాళ్లను సంప్రదించాడట. చివరకు ఆ పాత్ర ప్రకాష్ రాజ్ కి దక్కింది. అప్పటికే మణిరత్నం దర్శకత్వంలో బొంబాయి వంటి సినిమా చేశాడు ప్రకాష్ రాజ్. ఈ సినిమా తరువాత ప్రకాష్ రాజ్ రేంజ్ మరింత పెరిగింది.