హాట్ టాపిక్ గా మారిన మంచు విష్ణు ఎమోషనల్ పోస్ట్!

March 3, 2023 / 08:32 AM ISTByFilmy Focus

Join Us

హాట్ టాపిక్ గా మారిన మంచు విష్ణు ఎమోషనల్ పోస్ట్!

కలెక్షన్ కింగ్, డైలాగ్ కింగ్ అయిన మోహన్ బాబు… ఇద్దరు కుమారులు హీరోలుగా నటిస్తున్న సంగతి తెలిసిందే. అయితే మంచు విష్ణు మా అధ్యక్షుడిగా కూడా కొనసాగుతున్నాడు. అలాగే శ్రీ విద్యానికేతన్ విద్యాసంస్థల విషయంలో కీలక బాధ్యతలు నిర్వర్తిస్తున్నాడు. ఇతని భార్య విరానికా కూడా ఓ పక్క బోటిక్ బిజినెస్ చేస్తూనే మరోపక్క శ్రీ విద్యానికేతన్ విద్యాసంస్థల విషయంలో కీలక బాధ్యతలు చేపట్టింది. ఈ జంట వేరు వేరు రంగాల్లో రాణిస్తున్నప్పటికీ సక్సెస్ ఫుల్ గా దూసుకుపోతున్నారనే చెప్పాలి. సినిమాల పరంగా మంచు విష్ణు కాస్త వెనుకబడి ఉన్నారు అన్నది వాస్తవం.

అది పక్కన పెడితే.. సోషల్ మీడియాలో మంచు విష్ణు చాలా యాక్టివ్ గా ఉంటాడు. నిన్న విష్ణు – విరానికా… ల పెళ్లి రోజు. దీంతో తమ పిల్లలతో సరదాగా గడిపారు. అయితే విష్ణుని తన పిల్లలు ఏడిపించేశారంటూ సోషల్ మీడియాలో పెట్టిన ఓ పోస్ట్ ఇప్పుడు వైరల్ అవుతుంది. విషయం ఏంటి అంటే.. విష్ణు కూతుర్లు అయిన అరియానా- వివియానా నిన్న తమ పేరెంట్స్ పెళ్లి రోజు కావడంతో ఓ సర్‌ ప్రైజ్‌ ఇచ్చారు. వారు ఈ దంపతులకు ఓ గిఫ్ట్‌ ఇవ్వగా విష్ణుకి ఏడుపొచ్చేసిందట. ఇంతకీ ఆ గిఫ్ట్ ఏంటి అంటే వీరి పెళ్లై 15 సంవత్సరంలోకి అడుగుపెడుతున్న సందర్భంగా..

‘మై ఫాదర్‌ లవ్స్‌ మై మామ్‌’ అంటూ పాట పాడి దానికి కొన్ని ఫోటోలు యాడ్ చేశారు. అంతే ఇది చూసి విష్ణు ఎమోషనల్ అయ్యాడు. ‘‘ఈ సాంగ్‌ కంప్లీట్ అయ్యే సరికి నా కళ్లలో నీళ్లు తిరిగాయి. థాంక్యూ డార్లింగ్స్. మీరు ఇచ్చిన ఈ సర్ప్రైజ్‌ను నేను జీవితాంతం గుర్తు పెట్టకుంటాను.. ఎప్పటికీ మర్చిపోను” అంటూ విష్ణు ఆ సర్ ప్రైజ్ గురించి రాసుకొచ్చాడు. విష్ణు పోస్ట్ చేసిన ఈ ఎమోషనల్ పోస్ట్ ఇప్పుడు వైరల్ అవుతుంది. విష్ణుకి నలుగురు పిల్లలు అన్న సంగతి తెలిసిందే.

I started crying towards the end of the song. Thank you my darling #Ariaana #Viviana, my little mommies ❤️❤️❤️❤️❤️. This has made my day and I will never forget this surprise gift for @vinimanchu and me. pic.twitter.com/RZI13tazny

— Vishnu Manchu (@iVishnuManchu) March 1, 2023