పవన్ టైటిల్ తో విష్ణు!

కొంతకాలంగా పవన్ కల్యాణ్ అభిమానులు ‘సేనాపతి’ అంటూ కలవరించేస్తున్నారు. దానికో కారనముంది పవన్ కల్యాణ్, డాలీ దర్శకత్వంలో చేయబోతోన్న సినిమాకు ‘సేనాపతి’ అనే టైటిల్ అనుకుంటున్నట్లుగా వార్తలు వచ్చాయి. కొందరు పవన్ ఫ్యాన్స్ ఏకంగా ఈ టైటిల్ తో పోస్టర్స్ డిజైన్ చేసి వదిలారు. కానీ ఇప్పుడు సీన్ మారింది. ఈ టైటిల్ తో ఓ సినిమా మొదలవ్వబోతుంది కానీ అది పవన్ సినిమా కాదు.

మంచు విష్ణు హీరోగా నటిస్తోన్న సినిమా కోసం ‘సేనాపతి’ అనే టైటిల్ ను కన్ఫర్మ్ చేశారు. ఈ సినిమాలో విష్ణుతో పాటు మోహన్ బాబు కూడా నటించనున్నాడు. త్వరలోనే ఈ సినిమా సెట్స్ మీదకు వెళ్లే అవకాశాలు కనిపిస్తున్నాయి. అలానే మోహన్ బాబు తన రెండో కొడుకు మంచు మనోజ్ తో కలిసి మరో చిత్రంలో నటించనున్నాడు. వచ్చే ఏడాది మంచు మనోజ్ సినిమా మొదలవుతుంది. ఈ రెండు చిత్రాలను కూడా వీరి సొంత నిర్మాణ సంస్థ లక్ష్మీ ప్రసన్న పిక్చర్స్ బ్యానర్ పై నిర్మించనున్నారు.