మణిరత్నంతో రామ్ చరణ్ మూవీ లేనట్టే !!

ప్రేమను వెండి తెరపైన అద్భుతంగా ఆవిష్కరించే డైరెక్టర్ మణిరత్నం దర్శకత్వంలో నటించాలన్నది రామ్ చరణ్ కల. హీరోగా చిత్ర సీమలో అడుగు పెట్టినప్పటి నుంచి చెర్రీ ప్రయత్నాలు చేస్తున్నారు. రెండేళ్ల క్రితం రామ్ చరణ్ తో మణిరత్నం ఓ లవ్ స్టోరీ తెరకెక్కించాలని అనుకున్నారు. ఆరెంజ్ షాక్ నుంచి తేరుకొని చెర్రీ   ప్రేమకథ వద్దని  చెప్పడంతో ఆ కథ వేరే వాళ్లకి వెళ్ళింది. ఇప్పుడు మణిరత్నం మళ్ళీ చరణ్ కోసం ఒక స్పై థ్రిల్లర్ కథను సిద్ధం చేశారు. ఈ కథ చరణ్ కి బాగా నచ్చింది. సుకుమార్ దర్శకత్వంలో సినిమా తర్వాత ఆ మూవీ చేయాలనీ ఫిక్స్ అయ్యారు. మణిరత్నం కూడా స్క్రిప్ట్ పనిలో పడ్డారు. కానీ ఈ సినిమా ఆగిపోయిందని కోలీవుడ్ వర్గాలు వెల్లడించాయి.

కారణం ఏమిటని ఆరా తీస్తే అసలు విషయం బయటపడింది. మణిరత్నం దర్శకత్వం వహించిన తాజా చిత్రం ”చెలియా” చిత్రం తెలుగులోనే కాకుండా తమిళంలో కూడా ఫెయిల్ అయింది. దీంతో మణిరత్నం తో సినిమా చేయాలనుకున్న వాళ్లు వెనక్కి తగ్గారు. సో నిర్మాతలు పక్కకు తప్పుకోవడం వల్ల రామ్ చరణ్ మూవీ ఆగిపోయిందని సమాచారం. ఈ విధంగా చరణ్ కల ఈ సారి కూడా నెరవేరలేదు.

Also, do SUBSCRIBE to our YouTube channel to get latest Tollywood updates.