Manchu Manoj: మనోజ్ కపుల్ తీసుకున్న నిర్ణయానికి ఫిదా కావాల్సిందే.. ఏమైందంటే?

June 13, 2023 / 05:13 PM ISTByFilmy Focus

Join Us

Manchu Manoj: మనోజ్ కపుల్ తీసుకున్న నిర్ణయానికి ఫిదా కావాల్సిందే.. ఏమైందంటే?

మంచు హీరోలలో ఒకరైన మనోజ్ ను అభిమానించే అభిమానుల సంఖ్య భారీ స్థాయిలోనే ఉంది. మనోజ్ ప్రస్తుతం వాట్ ద ఫిష్ అనే సినిమాలో నటించారు. మౌనిక మనోజ్ జీవితంలోకి వచ్చిన తర్వాత మనోజ్ కు కెరీర్ పరంగా కూడా కలిసొస్తుందని కామెంట్లు వినిపిస్తున్నాయి. అయితే మనోజ్ దంపతులు సంచలన నిర్ణయం తీసుకోగా ఆ నిర్ణయం ప్రస్తుతం సోషల్ మీడియాలో హాట్ టాపిక్ అవుతోంది. మరో 72 గంటల్లో విడుదల కానున్న అదిపురుష్ సినిమాకు సంబంధించి ఇప్పటికే పలువురు సెలబ్రిటీలు భారీ సంఖ్యలో టికెట్లను కొనుగోలు చేసి ఆ టికెట్లను అనాథాశ్రమాలకు పంచుతున్న సంగతి తెలిసిందే.

పలువురు టాలీవుడ్ సెలబ్రిటీలు సైతం భారీ స్థాయిలో ఆదిపురుష్ టికెట్లను కొనుగోలు చేశారని ప్రచారం జరుగుతున్నా అందుకు సంబంధించి అధికారికంగా ప్రకటనలు రావాల్సి ఉంది. అయితే మనోజ్ దంపతులు మాత్రం అనాథ చిన్నారుల కోసం ఆదిపురుష్ సినిమాను స్క్రీనింగ్ చేస్తున్నట్టు వెల్లడించారు. ఏపీ, తెలంగాణలోని వేర్వేరు ప్రాంతాలకు చెందిన 2500 మంది అనాథ చిన్నారులకు ఈ నిర్ణయం ద్వారా బెనిఫిట్ కలగనుంది.

జూన్ నెల 16వ తేదీన మనోజ్ దంపతులు అనాథ పిల్లలకు ఈ సినిమాను చూపించనున్నారు. మనోజ్ నిర్ణయానికి నెటిజన్లు ఫిదా అవుతున్నారు. మనోజ్ మౌనిక గొప్ప మనస్సు గురించి ఎంత చెప్పినా తక్కువేనని సోషల్ మీడియాలో అభిప్రాయాలు వ్యక్తమవుతున్నాయి. టీ సిరీస్, రెట్రో ఫైల్స్ సంయుక్తంగా నిర్మించిన ఆదిపురుష్ మూవీ తెలుగు రాష్ట్రాల హక్కులు 150 కోట్ల రూపాయలకు అటూఇటుగా అమ్ముడయ్యాయని సమాచారం.

అదిపురుష్ తెలుగు రాష్ట్రాల బుకింగ్స్ మొదలుకావాల్సి ఉంది. ఈ సినిమా ప్రేక్షకులను కచ్చితంగా మెప్పిస్తుందని కామెంట్లు వినిపిస్తున్నాయి. ఆదిపురుష్ మూవీ తొలిరోజే 200 కోట్ల రూపాయల గ్రాస్ కలెక్షన్లను సొంతం చేసుకుంటుందని అంచనాలు ఉన్నాయి. ఈ సినిమా ఏ రేంజ్ లో ప్రేక్షకులను మెప్పిస్తుందో చూడాలి.

Jai Shri Ram #Adipurush ❤️‍@BhumaMounika @Brihaspathitec @namastheworld #Prabhas @omraut #SaifAliKhan @kritisanon @mesunnysingh @TSeries @Retrophiles1 @UV_Creations @Offladipurush #Pramod #Vamsi @AAFilmsIndia @peoplemediafcy pic.twitter.com/WM1yolK0C2

— Manoj Manchu❤️ (@HeroManoj1) June 12, 2023