హాలీవుడ్ కి ఇన్స్పిరేషన్ గా నిలిచిన రాజమౌళి

ప్రపంచం మెచ్చిన దర్శకధీరుడు రాజమౌళికి ప్రశంసలు కొత్తేమీ కాదు. కానీ.. తన సినిమాని మెచ్చుకోవడం కంటే కూడా ఒక హాలీవుడ్ ఫిలిమ్ మేకర్ కి తాను తెరకెక్కించిన చిత్రం స్ఫూర్తిగా నిలిచింది అనే విషయం ఇంకాస్త గొప్పగా ఉంటుంది కదూ. ఇప్పుడు అదే జరిగింది. ప్రముఖ హాలీవుడ్ దర్శకుడు మ్యాట్ గ్రోనింగ్ తాజాగా “డెశించ్ మెంట్” అనే యానిమేటెడ్ వెబ్ సిరీస్ ను తెరకెక్కిస్తున్నాడు. ఈ వెబ్ సిరీస్ ప్రమోషన్స్ లో భాగంగా మీడియాతో మాట్లాడినా మ్యాట్ తన వెబ్ సిరీస్ ను ఇండియన్ డైరెక్టర్ రాజమౌళి తెరకెక్కించిన “మగధీర” చిత్రం స్ఫూర్తిగా నిలిచిందని చెప్పడం విశేషం.

“రాజమౌళి సినిమాలన్నీ నాకు చాలా ఇష్టం. ఆయన గొప్ప విజన్ ఉన్న దర్శకుడు” అంటూ రాజమౌళి మీద ప్రశంసల వర్షం కురిపించాడు మ్యాట్. ఈ విషయం హాలీవుడ్ మీడియా ద్వారా బయటకు రాగానే టాలీవుడ్ మీడియా మళ్ళీ రాజమౌళిని ఆకాశానికెత్తడం మొదలెట్టింది. ఆయనకు ఈ ప్రశంసలు కొత్తేమీ కాదు కానీ కమల్ హాసన్ “అభయ్” తర్వాత ఒక భారతీయ చిత్రం హాలీవుడ్ కి ఇన్స్పిరేషన్ గా నిలవడం అనేది మాత్రం ఇదే.