డైరక్టర్ రామ్ గోపాల్ వర్మ అదో టైపు. అతని సినిమాలను.. టేకింగ్ లను అంచనా వేయలేనట్టే ట్వీట్స్ ని కూడా ఊహించలేము. ఒక వ్యక్తిని ఒకసారి ఆకాశానికి ఎత్తేస్తాడు.. మరో సారి పాతాళానికి దించేస్తాడు. అన్ని విషయాల్లోను తలదూర్చి.. విమర్శలు ఎదుర్కొంటుంటాడు. అయితే ఈ మధ్య మెగా హీరోలపై ఎక్కువ దృష్టి పెట్టాడు. పవన్ తల్లిని విమర్శించడంలో కీలకపాత్ర పోషించాడు. వారిపై వర్మ ఇంత కోపం ఎందుకు పెట్టుకున్నాడు?.. అని అన్వేషిస్తే.. అనేక కారణాలు బయటపడ్డాయి. వాటిలో ప్రధానంగా కొన్నిటిని ప్రస్తావిస్తే..
మెగాస్టార్ చిరంజీవి తో గతంలో వర్మ ఒక సినిమా మొదలు పెట్టాడు అది ఒక షెడ్యూల్ పూర్తి చేసుకొని ఆగిపోయింది. ఆ తర్వాత వారి కలయికలో సినిమా రాలేదు. ఇక పవన్ కి వర్మ కథ చెప్పినప్పటికీ నచ్చలేదని పక్కన పెట్టాడు. ఈ రెండూ విషయాలు వర్మ ఈగోని బాగా దెబ్బతీశాయి. మరో ముఖ్య విషయం ఏమిటంటే.. “పెళ్లయిన కూతురు ఉండి పోర్న్ గురించి మాట్లాడే వ్యక్తి గురించి ఏమి మాట్లాడతాం “అని పవన్ మీడియాలో వర్మ పరువు తీసాడు. ఇంకా నాగబాబు కూడా మెగా అభిమానుల సమక్షంలో వర్మ ని అక్కు పక్షి అని తిట్టాడు. ఇవన్నీ వర్మ మనసులో పెట్టుకొని పవన్ ని టార్గెట్ చేసాడని ఫిలిం నగర్ వాసులు చెప్పుకుంటున్నారు. మరి తమ వ్యక్తిగత జీవితాల్లోకి వచ్చిన వర్మ ని ఏవిధంగా మెగా ఫ్యామిలీ హీరోలు టార్గెట్ చేస్తారనేది తెలియాల్సి ఉంది.
