రాజీ పడకుండా కష్టపడుతున్న మెగాస్టార్!

మెగాస్టార్ చిరంజీవి 151 వ చిత్రం గా తెరకెక్కుతోన్న ‘సైరా నరసింహారెడ్డి’ చిత్ర షూటింగ్ విరామం లేకుండా సాగుతుందట. సురేంద్ర రెడ్డి డైరెక్షన్లో తెరకెక్కుతున్న ఈ చిత్రం కోసం చిరు చాలా కష్టపడుతున్నట్టు సమాచారం. ‘సైరా’ నెక్స్ట్ షెడ్యూల్ ముంబైలో జరుగబోతోన్నట్టు తెలుస్తుంది. భారీ బడ్జెట్ తో తెరకెక్కిస్తున్న ఈ చిత్రాన్ని ‘కొణిదెల ప్రొడక్షన్స్ కంపెనీ’ బ్యానర్ పై రాంచరణ్ నిర్మిస్తున్న సంగతి తెలిసిందే.

తాజా సమాచారం ప్రకారం ఈ షెడ్యూల్లో అండర్ వాటర్ యాక్షన్ సీక్వెన్స్ ను చిత్రీకరించబోతున్నారట. ఈ షూట్ కోసం ముంబై నుండీ ఎక్స్పర్ట్స్ ను తీసుకొస్తున్నారని సమాచారం. వచ్చే వారం మొదలు కానున్న ఈ షెడ్యూల్ కోసం చిరు చాలా ఛాలెంజింగ్ తీసుకుని కష్టపడుతున్నారట. ఇది రిస్క్ అని చెప్పినప్పటికీ చిరు వెనుకడుగు వేయంటున్నారని సమాచారం. ఈ యాక్షన్ సీన్స్ చిత్రంలోనే హైలైట్ గా నిలువనున్నాయట.