మంచు విష్ణు సినీ కెరీర్ లో అత్యంత భారీ బడ్జెట్ తో తెరకెక్కిన మూవీ కన్నప్ప కాగా ఈ సినిమాలో విష్ణు కచ్చితంగా బ్లాక్ బస్టర్ హిట్ ను అందుకుంటారని ఫ్యాన్స్ భావిస్తున్నారు. కన్నప్ప కోసం 600 మంది హాలీవుడ్ ప్రముఖులు పని చేశారని మోహన్ బాబు వెల్లడించారు. ఈ సినిమా ఖర్చు, క్వాలిటీ విషయంలో మోహన్ బాబు ఏ మాత్రం రాజీ పడలేదని తెలుస్తోంది. ముఖేశ్ కుమార్ సింగ్ డైరెక్షన్ లో ఈ సినిమా తెరకెక్కుతోంది.
మన దేశానికి చెందిన ఎంతోమంది అగ్ర నటులు ఈ సినిమా కోసం పని చేస్తున్నారని (Mohan Babu) మోహన్ బాబు చెప్పుకొచ్చారు. మూడు నెలల పాటు జరిగిన మొదటి షెడ్యూల్ లో థాయిలాండ్ కు చెందిన సాంకేతిక నిపుణులు భాగమయ్యారని ఆయన వెల్లడించారు. న్యూజిలాండ్ లోని అద్భుతమైన లొకేషన్లలో ఈ సినిమా షూటింగ్ జరిగిందని మోహన్ బాబు కామెంట్లు చేశారు. దేవుడి దయ వల్ల అనుకున్న విధంగా దిగ్విజయంగా పూర్తి చేసి భారత్ కు వస్తున్నామని ఆయన తెలిపారు.
ప్రీతి ముకుందన్ ఈ సినిమాలో హీరోయిన్ గా నటిస్తున్నారు. ప్రభాస్, నయనతార ఈ సినిమాలో శివపార్వతులుగా కనిపించబోతున్నారని సమాచారం అందుతోంది. ప్రభాస్, నయనతార ఈ సినిమాలో నటిస్తున్నట్టు అధికారిక ప్రకటన రావాల్సి ఉంది. ఇతర భాషలకు చెందిన కీలక నటీనటులు సైతం ఈ సినిమాలో నటిస్తున్నారు. 2024 సంవత్సరంలో ఈ మూవీ థియేటర్లలో రిలీజ్ కానుంది.
పాన్ ఇండియా మూవీగా రిలీజ్ కానున్న ఈ సినిమా భారీ సక్సెస్ సాధించడంతో పాటు నిర్మాతలకు మంచి లాభాలను అందించడం ఖాయమని కామెంట్లు వ్యక్తమవుతున్నాయి. మోహన్ బాబు ఈ సినిమా బడ్జెట్ విషయంలో ఏ మాత్రం రాజీ పడలేదని తెలుస్తోంది. ఈ సినిమా సక్సెస్ సాధిస్తే ముఖేశ్ కుమార్ సింగ్ టాలీవుడ్ ఇండస్ట్రీలో బిజీ అవుతారని చెప్పవచ్చు.
సలార్ సినిమా రివ్యూ & రేటింగ్!
డంకీ సినిమా రివ్యూ & రేటింగ్!
‘బిల్లా- రంగా’ టు ‘సలార్’… ఫ్రెండ్షిప్ బ్యాక్ డ్రాప్లో రూపొందిన 10 సినిమాల లిస్ట్..!
Home