క్రేజీ కాంబోకి రంగం సిద్ధమైందట!

January 21, 2021 / 04:45 PM ISTByFilmy Focus

Join Us

ప్రయోగాత్మక కథ, మాస్‌ సినిమా, క్లాస్ సినిమా… ఇలా ఎలాంటి సినిమాలైనా తీయగల దర్శకుడు మోహన్‌ కృష్ణ ఇంద్రగంటి. ఏ పాత్రలోనైనా ఇమడిపోగల హీరో మన రౌడీ విజయ్‌ దేవరకొండ. ఈ ఇద్దరి కలయికలో సినిమా వస్తే… సూపర్‌ ఉంటుంది కదూ. ఈ విషయం మీద ఎలాంటి పుకార్లు, గుసగుసలకు ఇక అవకాశం లేదు. ఎందుకంటే మేమిద్దరం కలసి సినిమా చేస్తున్నాం అంటూ మోహన్‌ కృష్ణ ఇంద్రగంటి స్వయంగా ప్రకటించారు.

ప్రస్తుతం విజయ్‌ దేవరకొండ ‘లైగర్‌’ సినిమాతో బిజీగా ఉన్నాడు. పాన్‌ ఇండియా రేంజిలో పూరి జగన్నాథ్‌ ఈ సినిమాను తెరకెక్కిస్తున్నాడు. ఆ సినిమా తర్వాత విజయ్‌.. వైవిధ్యమైన ప్రణయ కథల స్పెషలిస్ట్‌ శివ నిర్వాణతో జట్టు కట్టబోతున్నాడు. ‘లైగర్‌’ అవ్వగానే శివ సినిమా స్టార్ట్‌ అవుతుందట. ఆ సినిమాను వీలైనంత త్వరగా ముగించి… మోహన్‌ కృష్ణ సినిమా మొదలుపెడతారని టాక్‌.

ఇక మోహన్‌కృష్ణ సినిమాల సంగతి చూస్తే… ప్రస్తుతం ఆయన సుధీర్‌బాబు హీరోగా ఓ రొమాంటిక్‌ డ్రామా తెరకెక్కిస్తున్నాడు. ఇటీవల లాంఛనంగా మొదలైన ఈ సినిమా రెగ్యులర్‌ షూటింగ్‌ మార్చి నుంచి మొదలవుతుందట. కొవిడ్‌ పరిస్థితుల దృష్ట్యా సినిమాను పూర్తిగా హైదరాబాద్ పరిసరాల్లోనే చిత్రీకరిస్తారని తెలుస్తోంది.