Mrunal Thakur, Ram Charan: రామ్ చరణ్ కి జోడీగా మృణాల్ ఠాకూర్!

‘ఆర్ఆర్ఆర్’ లాంటి సూపర్ హిట్ సినిమాలతో ప్రేక్షకులను అలరించిన రామ్ చరణ్.. వెంటనే శంకర్ దర్శకత్వంలో ఓ సినిమాను మొదలుపెట్టారు. వీలైనంత త్వరగా ఈ సినిమాను పూర్తి చేసి రిలీజ్ చేయాలనుకున్నారు. కానీ ప్లానింగ్ ప్రకారం షూటింగ్ జరగడం లేదు. సడెన్ గా శంకర్ ‘ఇండియన్ 2’ సినిమాను పూర్తి చేయాల్సిన కమిట్మెంట్ తీసుకోవడంతో.. చరణ్ సినిమా ఆలస్యమవుతోంది. ఇదిలా ఉండగా.. చరణ్ తన కొత్త సినిమాల కోసం కథలు వింటున్నారు.

ఈ క్రమంలో బుచ్చిబాబు సానాతో ఓ సినిమా చేయడానికి అంగీకరించారు. త్వరలోనే ఈ సినిమా సెట్స్ పైకి వెళ్లే అవకాశాలు ఉన్నాయి. తాజాగా ఈ సినిమాలో హీరోయిన్ ను ఫైనల్ చేసినట్లు వార్తలొస్తున్నాయి. ‘సీతారామం’ సినిమాతో తెలుగు ప్రేక్షకులకు దగ్గరైన నటి మృణాల్ ఠాకూర్ ను చరణ్ కి జోడీగా ఎంపిక చేసినట్లు సమాచారం. ‘సీతారామం’ తరువాత మృణాల్ కి తెలుగులో చాలా ఆఫర్లు వస్తున్నాయి. కానీ ఆమె తొందరపడి ఏదీ ఒప్పుకోవడం లేదు.

కాస్త సమయం తీసుకొని తనకు నచ్చిన కథలను మాత్రమే ఎన్నుకుంటోంది. ఈ క్రమంలో నాని సరసన హీరోయిన్ గా నటించడానికి అంగీకరించింది. ఆ తరువాత రామ్ చరణ్ సినిమా ఓకే చేసిందని తెలుస్తోంది. ‘ఆర్ఆర్ఆర్’ తరువాత రామ్ చరణ్ ఇమేజ్ అమాంతం పెరిగిపోయింది. ఇంటర్నేషనల్ మీడియా కూడా ఆయనపై ఫోకస్ పెట్టింది. ఇకపై చరణ్ నుంచి వచ్చేవన్నీ పాన్ ఇండియా సినిమాలే. బుచ్చిబాబు సినిమా కూడా పాన్ ఇండియా కాన్సెప్ట్ తో తెరకెక్కనుంది.

ఇలాంటి భారీ సినిమాలో నటిస్తే తన కెరీర్ కి ప్లస్ అవుతుందని.. మృణాల్ ఈ ప్రాజెక్ట్ ఒప్పుకుందని చెబుతున్నారు. ఆన్ స్క్రీన్ రామ్ చరణ్, మృణాల్ జోడీ ముచ్చటగా ఉంటుందని ఫ్యాన్స్ భావిస్తున్నారు. ఈ సినిమాను వెంక‌ట స‌తీష్ కిలారు అనే కొత్త నిర్మాత వృద్ధి సినిమాస్ బ్యానర్ మీద నిర్మిస్తున్నారు. వేసవిలో ఈ సినిమా సెట్స్ పైకి వెళ్లే ఛాన్స్ ఉంది.

సార్ సినిమా రివ్యూ & రేటింగ్!
‘గజిని’ మూవీ మిస్ చేసుకున్న హీరోలు ఎవరంటే?

టాప్ 10 రెమ్యూనరేషన్ తెలుగు హీరోలు…ఎంతో తెలుసా ?
కళ్యాణ్ రామ్ నటించిన గత 10 సినిమాల బాక్సాఫీస్ పెర్ఫార్మన్స్ ఎలా ఉందంటే?