స్పైడర్ విషయంలో సంతోషంగా ఉన్న మురుగదాస్

బ్రహ్మోత్సవం తర్వాత మహేష్ బాబు చేస్తున్న స్పైడర్ మూవీ ఈ సమయానికి థియేటర్లోకి వచ్చేసి ఉండాలి. కానీ షూటింగ్ దశలోనే ఉంది. కారణం ఫర్ఫెక్షన్. తొలిసారి కోలీవుడ్ లోకి అడుగుపెడుతున్న మూవీ కావడంతో మహేష్ మరింత శ్రద్ధ పెట్టడం ఒక రీజన్ అయితే.. ఇదివరకు తన చిత్రాలకంటే మెరుగ్గా ఉండాలని డైరక్టర్ శ్రమించడం మరో రీజన్. అందుకే బడ్జెట్ పెరిగినప్పటికీ నిర్మాత ఎన్.వి.ప్రసాద్ వెనుకడుగు వేయలేదు. ముందు అనుకున్న బడ్జెట్ కంటే 20 కోట్లు పెరిగినా బాధపడలేదు. సో అటు హీరో, డైరక్టర్, నిర్మాతలు మంచి అవుట్ ఫుట్ కోసం ప్రయత్నించారు. ఆ అవుట్ పుట్ రానే వచ్చిందని మురుగదాస్ తాజాగా చెప్పారు.

రెండు పాటలు మినహా టాకీ పార్ట్ మొత్తం షూటింగ్ పూర్తి చేసిన డైరక్టర్.. రషస్ చూసుకొని సంతృప్తి పడినట్లు తెలిసింది. ఆలస్యమైనా అవుట్ ఫుట్ బాగా వచ్చినందుకు ఆనందంగా ఉందని మురుగదాస్ అందరికీ వెల్లడించారు. దీంతో మహేష్ అభిమానులు సంతోషం వ్యక్తం చేశారు. పోస్ట్ ప్రొడక్షన్ వేగవంతమైన ఈ సినిమా సెప్టెంబర్ 27 న ప్రేక్షకుల ముందుకు రాబోతోంది. రకుల్ ప్రీత్ సింగ్, మహేష్ జోడీ చేసే సందడి చూడాలని ఫ్యాన్స్ ఎదురుచూస్తున్నారు.

Also, do SUBSCRIBE to our YouTube channel to get latest Tollywood updates.