మహేష్ కి ఆగ్రహాన్ని తెప్పిస్తున్న మురుగదాస్!

బ్రహ్మోత్సవం సినిమా అపజయం మహేష్ కి చాలా నిరుత్సాహానికి గురిచేసింది. అభిమానులకు త్వరగా మంచి సినిమా ఇవ్వాలని భావించి వెంటనే మురుగదాస్ తో ద్విభాషా చిత్రాన్ని ప్రారంభించారు. భారీ బడ్జెట్ తో నిర్మితమవుతున్న ఈ ప్రాజక్ట్ జోష్ గానే మొదలయింది. షూటింగ్ పూర్తికావడంతో ఆ జోష్ మిస్ అయింది. మరికొన్ని రోజులు.. మరికొన్ని రోజులు అని మురుగదాస్ అడగడం, మహేష్ కేటాయిస్తుండడం తప్ప పేకప్ మాట వినిపించడంలేదు. దీంతో మహేష్ అసహనానికి గురవుతున్నారు. మార్చి నాటికే స్పైడర్ ప్రొడక్షన్ వర్క్ కంప్లీట్ అవ్వాలి. ఏప్రిల్ వెళ్లి పోయి .. మే కూడా పూర్తి కావచ్చింది.

అయినా ఇంకా డేట్స్ కావాలని అడుగుతుండడంతో మహేష్ కి కోపం వస్తోంది. సీనియర్ డైరక్టర్ అనే మర్యాదతో ఏమి అనలేకపోతున్నారని ఫిలిం నగర్ వాసులు చెప్పుకుంటున్నారు. ఠాగూర్ మధు సమర్పణలో ఎన్.వి.ఆర్. సినిమా, ఎల్ఎల్పి, రిలయన్స్ ఎంటర్టైన్మెంట్ పతాకాలపై  ఎన్.వి.ప్రసాద్ నిర్మిస్తున్న ఈ మూవీ జూన్ 23 న రిలీజ్ చేయాలనీ అనుకున్నారు. అది ఆగస్టుకి వాయిదా పడింది. ఇంకా ప్రొడక్షన్ వర్క్ కంప్లీట్ కాకపోవడంతో సెప్టెంబర్ లో విడుదల అవుతుందని చిత్ర యూనిట్ సభ్యులు చెబుతున్నారు.

Also, do SUBSCRIBE to our YouTube channel to get latest Tollywood updates.