ఒకప్పుడు కోలీవుడ్ లో స్టార్ డైరెక్టర్ గా దూసుకుపోయారు మురుగదాస్. ఆయన కెరీర్ లో ఎన్నో హిట్టు సినిమాలున్నాయి. ‘గజినీ’, ‘తుపాకీ’, ‘కత్తి’ ఇలా ఎన్నో బ్లాక్ బస్టర్స్ అందించారు. అయితే తెలుగులో మాత్రం ఆయన చేసిన సినిమాలు పెద్దగా వర్కవుట్ కాలేదు. చిరంజీవి హీరోగా తెరకెక్కించిన ‘స్టాలిన్’ సినిమా ప్లాప్ అయింది. ఆ తరువాత చాలా కాలానికి మహేష్ బాబు పిలిచి ఒక ఛాన్స్ ఇచ్చారు. వీరి కాంబినేషన్ లో ‘స్పైడర్’ అనే సినిమా వచ్చింది.
ఈ సినిమా ఎంత పెద్ద డిజాస్టర్ అయిందో తెలిసిందే. చాలా కాలంగా సరైన హిట్టు కోసం చూస్తున్నారు మురుగదాస్. రజినీకాంత్ తో తీసిన ‘దర్బార్’ కూడా వర్కవుట్ కాలేదు. దీంతో కోలీవుడ్ స్టార్స్ మురుగదాస్ తో సినిమాలు చేయడానికి ఆసక్తి చూపడం లేదు. తెలుగు హీరోలు కూడా ఆయనకు డేట్స్ ఇవ్వడం లేదు. ఈ క్రమంలో మురుగదాస్ బాలీవుడ్ లో ఎంట్రీ ఇవ్వాలనుకుంటున్నారు. ఆమిర్ ఖాన్ తో మురుగదాస్ కి మంచి రిలేషన్ ఉంది.
ఇప్పుడు ఆయన సాయంతోనే బాలీవుడ్ లో సినిమాలు చేయడానికి ప్లాన్ చేస్తున్నారు మురుగదాస్. సల్మాన్ ఖాన్, షారుఖ్ ఖాన్ కాంబినేషన్ లో ఒక మల్టీ స్టారర్ తీయాలనేది మురుగదాస్ ప్లాన్. ఇటీవలే ఇద్దరినీ కలిసి లైన్ కూడా చెప్పినట్లు సమాచారం. అయితే ఫైనల్ వెర్షన్ పూర్తయిన తరువాత ఈ ప్రాజెక్ట్ ఓకే అవుతుందా..? లేదా..? అనే విషయంలో క్లారిటీ రానుంది.
సల్మాన్ ఖాన్, షారుఖ్ ఖాన్ కలిసి సినిమా చేసి చాలా ఏళ్లవుతోంది. అప్పుడెప్పుడో ‘కరణ్ అర్జున్’ అనే సినిమా చేశారు. ఆ తరువాత ఒకరి సినిమాలో మరొకరు గెస్ట్ రోల్స్ చేశారు. మళ్లీ ఇంతకాలానికి ఇద్దరి కాంబినేషన్ లో మల్టీస్టారర్ అంటే మంచి బజ్ రావడం ఖాయం. మురుగదాస్ కి కూడా పేరొస్తుంది. మరి ఈ సినిమా విషయంలో బాలీవుడ్ స్టార్ హీరోలు ఎలాంటి నిర్ణయం తీసుకుంటారో చూడాలి!
Most Recommended Video
రెండో సినిమా సెంటిమెంట్ నుండి తప్పించుకోలేకపోయిన టాలెంటెడ్ డైరెక్టర్ల లిస్ట్…!
హీరో తెలుగు – డైరెక్టర్ తమిళ్, డైరెక్టర్ తమిళ్- హీరో తెలుగు..వంటి కాంబోల్లో రాబోతున్న 11 సినిమాలు..!
ఐ.ఎం.డి.బి వారి లెక్కల ప్రకారం ఈ ఏడాది ప్రధార్థంలో టాప్ 10 మూవీస్ లిస్ట్..!
Home