తెలుగు సినిమాల్లో హీరో స్పోర్ట్స్‌ ప్లేయర్‌ గా నటించడం ఇటీవల కాలంలో ఎక్కువైంది. ఆ నేపథ్యంలో సినిమాలు విజయం సాధిస్తుండటం, అలాంటి కథలు ఫక్తు తెలుగు సినిమా హీరో పాత్రలకు దూరంగా ఉండటంతో హీరోలు ఎంచుకుంటున్నారు. ఈ క్రమంలో మరోసారి నాగచైతన్య స్పోర్ట్స్‌ ప్లేయర్‌గా కనిపించబోతున్నాడు. ‘మజిలీ’లో క్రికెటర్‌గా కనిపించి అలరించిన చై… కొత్త సినిమా ‘థ్యాంక్యూ’లో హాకీ ప్లేయర్‌గా నటిస్తాడట. విక్రమ్‌ కె కుమార్‌ దర్శకత్వంలో నాగచైతన్య ‘థ్యాంక్యూ’ అనే సినిమాలో నటిస్తున్న విషయం తెలిసిందే.
ఇటీవల తొలి షెడ్యూల్‌ పూర్తి చేసుకున్న ఈ సినిమాలో చైతు హాకీ ప్లేయర్‌ అట. అయితే సినిమా క్రీడా నేపథ్యంలో రూపొందించడం లేదట. కేవలం చైతు వృత్తి హాకీ ఆడటం అట. దీని కోసం చైతు ఇప్పటికే కోచ్‌ పర్యవేక్షణలో శిక్షణ కూడా తీసుకున్నాడని సమాచారం. త్వరలో హాకీ సన్నివేశాలు చిత్రీకరిస్తారని తెలుస్తోంది. ‘మజిలీ’లో చై క్రికెటర్‌గా కనిపించాడు… సినిమా మంచి విజయం అందుకుంది. ఇప్పుడు అదే సెంటిమెంట్‌ వాడుతున్నాడో లేక కథ అవసరమో కానీ చై అయితే హాకీ ఆడతాడు.
బీవీఎస్‌ రవి సిద్ధం చేసిన కథతో విక్రమ్‌ ఈ సినిమా సిద్ధం చేస్తున్నాడు. తొలి షెడ్యూల్‌ విజయవంతంగా పూర్తి చేసుకున్నారు. త్వరలో రెండో షెడ్యూల్‌ మొదలుపెడతారు. ఆ షెడ్యూల్‌లో హాకీ సన్నివేశాలు చిత్రీకరిస్తారేమో చూడాలి.
Most Recommended Video
2020 Rewind: ఈ ఏడాది సమ్మోహనపరిచిన సుమధుర గీతాలు!
కొన్ని లాభాల్లోకి తీసుకెళితే.. మరికొన్ని బోల్తా కొట్టించాయి!
2020 Rewind: ఈ ఏడాది డిజాస్టర్ సినిమాలు ఇవే..!
