Naga Chaitanya , Sai Pallavi: నాగచైతన్యతో మరోసారి జతకట్టబోతున్న సాయి పల్లవి!

నటుడు అక్కినేని నాగచైతన్య త్వరలోనే చందు మొండేటి దర్శకత్వంలో ఓ సినిమా ద్వారా ప్రేక్షకుల ముందుకు రావడానికి సిద్ధమవుతున్న సంగతి మనకు తెలిసిందే. గీత ఆర్ట్స్ బ్యానర్లో ఈ సినిమా ప్రేక్షకుల ముందుకు రాబోతుంది. ఇక ఇప్పటికే ఈ సినిమాకు సంబంధించిన ప్రీ ప్రొడక్షన్ పనులు కూడా ప్రారంభమయ్యాయి. ఈ సినిమాలో నాగచైతన్య ఒక జాలరి పాత్రలో కనిపించబోతున్నారు. ఇలా జాలరి పాత్రలో నటించబోతున్నటువంటి నాగచైతన్య జాలర్లు నిజజీవితంలో ఎలా ఉంటారు ఏంటి అనే విషయాలను స్వయంగా వారిని కలిసి అన్ని విషయాలు తెలుసుకున్నారు.

ఇక త్వరలోనే ఈ సినిమా షూటింగ్ పనులు కూడా ప్రారంభం కాబోతున్నాయని తెలుస్తుంది. ఇదిలా ఉండగా తాజాగా ఈ సినిమాకు సంబంధించి ఒక వార్త సోషల్ మీడియాలో వైరల్ గా మారింది. ఈ సినిమాలో హీరోయిన్ గా సాయి పల్లవి నటించబోతుందని సమాచారం. సాయి పల్లవి అయితే ఈ సినిమాకు 100% సరిగా సరిపోతుందని భావించినటువంటి మేకర్స్ ఆమెను సంప్రదించారట. అయితే ఆమె నిర్ణయం కోసమే ఎదురు చూస్తున్నారని తెలుస్తోంది.

దాదాపు ఈ సినిమాలో సాయి పల్లవి నటించడానికి అనుకూలంగానే ఉన్నారని సమాచారం. త్వరలోనే ఈ విషయాన్ని కూడా అధికారికంగా ప్రకటించబోతున్నట్లు తెలుస్తోంది. ఇక ఈ సినిమాకు తండేల్ అనే టైటిల్ కూడా ఖరారు అయినట్టు తెలుస్తోంది. ఇక ఈ సినిమాలో కనుక సాయి పల్లవి నటిస్తున్నట్లయితే వీరిద్దరి కాంబినేషన్లో ఇది రెండవ సినిమా అని చెప్పాలి ఇప్పటికే నాగచైతన్య (Naga Chaitanya) సాయి పల్లవి కాంబినేషన్లో లవ్ స్టోరీ సినిమా ప్రేక్షకుల ముందుకు వచ్చిన విషయం తెలిసిందే.

ఈ సినిమా అద్భుతమైన విజయాన్ని అందుకుంది. శేఖర్ కమ్ముల దర్శకత్వంలో వచ్చిన ఈ సినిమా ప్రతి ఒక్కరిని ఆకట్టుకుంది. ఇక మరోసారి ఇదే కాంబినేషన్ ప్రేక్షకుల ముందుకు రాబోతుందనే వార్త వైరల్ కావడంతో ఈ సినిమాపై కూడా అంచనాలు పెరిగిపోయాయి.

మార్క్ ఆంటోనీ సినిమా రివ్యూ & రేటింగ్!

ఛాంగురే బంగారు రాజా సినిమా రివ్యూ & రేటింగ్!
సోదర సోదరీమణులారా సినిమా రివ్యూ & రేటింగ్!