దర్శకుడు శేఖర్ కమ్ముల సినిమాలు ఎంత ప్లెజంట్ గా ఉంటాయో ప్రత్యేకంగా చెప్పనక్కర్లేదు. రెగ్యులర్ మూసధోరణిలో కాకుండా చిన్న కథలనే తెరపై ఎంతో అందంగా చూపిస్తుంటారు. చాలా కాలం గ్యాప్ తీసుకొని ఆయన తెరకెక్కించిన ‘ఫిదా’ సినిమా ఇప్పటికీ టీవీల్లో రిపీట్ టెలికాస్ట్ పడుతూనే ఉంది. టాలీవుడ్ లో మనకున్న సెన్సిటివ్ దర్శకుల్లో శేఖర్ కమ్ముల ఒకరు. ప్రస్తుతం ఈ దర్శకుడు ‘లవ్ స్టోరీ’ అనే సినిమాను తెరకెక్కిస్తున్నాడు. నాగచైతన్య, సాయి పల్లవి ప్రధాన పాత్రల్లో ఈ సినిమా తెరకెక్కుతోంది.
లాక్ డౌన్ కారణంగా ఆగిపోయిన సినిమా షూటింగ్ మళ్లీ మొదలైంది. నిజామాబాద్ జిల్లాలో ప్రస్తుతం ఈ సినిమా షూటింగ్ జరుగుతోంది. ఇదిలా ఉండగా.. శేఖర్ కమ్ముల ఈ సినిమా రీషూట్ చేస్తున్నారనే సమాచారం బయటకొచ్చింది. ఇండస్ట్రీలో కొందరు దర్శకులు ప్రతీ సన్నివేశం పెర్ఫెక్ట్ గా ఉండాలని చెక్కుతూనే ఉంటారు. రాజమౌళి,సుకుమార్ లాంటి వాళ్లు ఇదేకోవలోకి వస్తారు. ఇప్పుడు శేఖర్ కమ్ముల కూడా అదే చేస్తున్నారట. చాలా సన్నివేశాలను ఒకటికి మూడు ఫ్రేమ్ లు పెట్టి తీస్తున్నట్లు తెలుస్తోంది.
ఒక్కొక్కటి మ్యాచ్ చేసి ఏది మ్యాచ్ అవుతుందా..? అని లెక్కలు వేస్తున్నారట. దీంతో సినిమాకి అనుకున్న ఖర్చు అలా అలా పెరుగుతూ పోతోందట. దీనికి తోడు ఇప్పుడు కరోనా ఖర్చులు అదనంగా ఉంటాయి. ప్రస్తుతానికి ఈ సినిమాకి సంబంధించి ఒక పాట, కొన్ని సన్నివేశాల షూటింగ్ బ్యాలన్స్ ఉంది. అంతా బాగుండి దీపావళికి జనాలు థియేటర్లకు వస్తే ‘లవ్ స్టోరీ’ సినిమా క్రిస్మన్ కి రిలీజ్ అవుతుంది. లేదంటే మళ్లీ వచ్చే ఏడాదికి వెళ్లిపోతుంది. ఈ చిత్ర నిర్మాతలు సినిమా విడుదల తేదీ విషయంలో ఎలాంటి నిర్ణయానికి రాలేదు. ప్రస్తుతం సినిమా పూర్తి చేసి, మార్కెట్ పరిస్థితి అంచనా వేసుకొని సినిమా విడుదల చేయాలనుకుంటున్నారు.
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
Home