జబర్దస్త్‌ అంటే నాగబాబు.. నాగబాబు అంటే జబర్దస్త్‌ అనేలా ఉండేది ఒకప్పుడు. అంతలా ఉండేది ఒకప్పుడు. ఈటీవీలో, మల్లెమాల వాళ్లు చేసే ప్రతి ఈవెంట్‌కు ఆయనకు కచ్చితంగా చీఫ్‌ గెస్ట్‌. అలా కొన్నేళ్లపాటు సాగింది. కానీ ఆ తర్వాత ఏమైందో కానీ.. ఆయన ఈటీవీ నుండి దూరమయ్యారు. జీటీవీ, మాటీవీ, యూట్యూబ్‌ అంటూ ఏవేవో షోలు చేశారు. అయితే జబర్దస్త్‌లో ఆయన ప్లేస్‌ మాత్రం ఎవరూ ఫిలప్‌ చేయలేదు. అలాగే నాగబాబు లైఫ్‌లో జబర్దస్త్‌ లాంటి షో ఇంకొటి రాలేదు.
ఇప్పుడు ఈ కంపారిజన్‌ ఎందుకు అని అనుకుంటున్నారా? ఉంది.. కారణముంది. మూవీ ఆర్టిస్ట్‌ అసోసియేషన్, జబర్దస్త్‌ కార్యక్రమాల గురించి నాగబాబు ఇటీవల మాట్లాడారు. ఈ క్రమంలో ఒక వైరల్ కామెంట్, ఇంకో ఇంట్రెస్టింగ్ కామెంట్ చేశారు. దీంతో సోషల్ మీడియాలో వీటి గురించే చర్చ నడుస్తోంది. ప్రకాశ్ రాజ్‌కు వ్యతిరేకంగా మాట్లాడాలని మంచు మోహన్ బాబుకి కానీ, విష్ణుకి కానీ లేదని, కొంతమంది మంచు కుటుంబాన్ని తప్పుదోవ పట్టించారని నాగబాబు కామెంట్ చేశారని తెలుస్తోంది.
నటుడు నరేష్ లాంటి వ్యక్తుల వల్లే మూవీ ఆర్టిస్ట్‌ అసోసియేషన్ పరిస్థితి అలా తయారైందని నాగబాబు వ్యాఖ్యానించినట్లు వార్తలొస్తున్నాయి. నరేష్ మాటల వల్లే ఏడాది క్రితం జరిగిన ‘మా’ ఎన్నికల్లో అన్ని గొడవలు అయ్యాయని నాగబాబు అన్నారట. నరేశ్ తానొక దైవాంశ సంభూతుడిగా ఫీల్ అవుతుంటాడని, ‘మా’ లో గొడవలు సృష్టించి… తద్వారా ఇండస్ట్రీకి పెద్ద దిక్కు అవ్వాలని నరేశ్ అనుకుంటున్నాడని నాగబాబు విమర్శించారట.
ఇక జబర్దస్త్‌ కార్యక్రమం నుండి దూరంగా వెళ్లడడం గురించి మాట్లాడుతూ.. జబర్దస్త్‌కి తనకూ మధ్య ఎలాంటి విభేదాలు లేవని, మల్లెమాల – ఈటీవీ వాళ్లు మళ్లీ ఆహ్వానిస్తే తప్పకుండా రీఎంట్రీ ఇవ్వడానికి సిద్ధంగా ఉన్నానని చెప్పారట. ఈ లెక్కన జబర్దస్త్‌ రీఎంట్రీకి సిద్ధంగా ఉన్నానని.. నాగబాబు చెప్పేశారు. మరి ఈ దిశగా మల్లెమాల – ఈటీవీ టీమ్‌ ఆలోచిస్తుందో లేదో చూడాలి. ఆయన రీఎంట్రీ ఇస్తే పాత కమెడియన్లు అంతా తిరిగి వస్తారనే టాక్‌ నడుస్తోంది.
Most Recommended Video
‘పుష్ప 2’ తో పాటు 2023 లో రాబోతున్న సీక్వెల్స్!
చిరు టు వైష్ణవ్.. ఓ హిట్టు కోసం ఎదురుచూస్తున్న టాలీవుడ్ హీరోల లిస్ట్..!
రూ.200 కోట్లు టు రూ.500 కోట్ల బడ్జెట్ తో రూపొందిన ఇండియన్ సినిమాల లిస్ట్..!
Home
