ఎన్టీఆర్ బయోపిక్ లో అక్కినేని నాగార్జున

మహానటుడు నందమూరి తారక రామారావు జీవిత చరిత్రను సినిమాగా రూపొందిస్తానని నటసింహ బాలకృష్ణ ప్రకటించడంతో ఈ వార్త ఫిల్మ్ నగర్లో హాట్ టాపిక్ అయింది. ఎన్టీఆర్ గా తానే నటిస్తాననడం నందమూరి అభిమానుల్లో ఆనందాన్ని నింపింది. ప్రస్తుతం ప్రీ ప్రొడక్షన్ దశలో ఉన్న ఈ చిత్రంలో మహానటుడు యవ్వనం నుంచి సీఎం గా ఎదిగిన వరకు చూపించాల్సి ఉంటుంది. ముఖ్యం గా టాలీవుడ్ నంబర్ వన్ హీరోగా ఉన్నా దశను జనరంజకంగా తీయాలి. ఈ దశలో ఎన్టీఆర్ కి గట్టి పోటీనిచ్చిన అక్కినేని నాగేశ్వరరావు గురించి కొంత చెప్పాలి.. చూపించాలి. సో ఈ పాత్రను ఏఎన్నార్ నట వారసుడు అక్కినేని నాగార్జున పోషిస్తే బాగుంటుందని సినీ విశ్లేషకులు భావిస్తున్నారు.

అందుకు నాగ్ ఒప్పుకుంటే చిత్రం రేంజ్ పెరిగిపోతుందని చెబుతున్నారు. పూరి జగన్నాథ్ దర్శకత్వంలో తెరకెక్కనున్న ఈ మూవీని  విష్ణు ఇందూరి నిర్మించనున్నారు. బాలకృష్ణ 101 చిత్రం గా ఎన్టీఆర్ బయోపిక్ మూవీ ఉండవచ్చని వార్తలు వినిపిస్తున్నాయి. ఈ మూవీలో నటించే ఆర్టిస్టులు, టెక్నీషియన్ల గురించి బాలయ్య త్వరలో అధికారిక ప్రకటన చేయనున్నారు.

Also, do SUBSCRIBE to our YouTube channel to get latest Tollywood updates.