టాలీవుడ్ స్టార్ హీరోలలో ఒకరైన నాగార్జున మరికొన్ని గంటల్లో నా సామిరంగ సినిమాతో ప్రేక్షకుల ముందుకు రానున్నారు. అల్లరి నరేష్, రాజ్ తరుణ్ ఈ సినిమాలో కీలక పాత్రల్లో నటించగా విడుదలకు ముందే ఈ సినిమా లాభాలను అందించింది. ఈ సినిమాకు 20 కోట్ల రూపాయల రేంజ్ లో బిజినెస్ జరిగిందని సమాచారం అందుతోంది. నాగార్జున నా సామిరంగ మూవీ ప్రమోషన్స్ లో భాగంగా మాట్లాడుతూ ఆసక్తికర వ్యాఖ్యలు చేశారు.
నా సామిరంగ మూవీ షూటింగ్ 72 రోజుల్లో జరిగిందని నేను ఈ సినిమా కోసం 60 రోజులు పని చేశానని నాగ్ తెలిపారు. ప్రీ ప్రొడక్షన్ వర్క్ చేసి ఈ సినిమా చేశామని ఆయన కామెంట్లు చేశారు. బీజీఎం పెట్టుకుని ఫైట్ షూట్ చేశామని ఈ సినిమాకు కీరవాణి గారే పెద్ద స్టార్ అని నాగ్ తెలిపారు. స్నేహం, ప్రేమ, త్యాగం, విశ్వాసం నా సామిరంగలో అట్రాక్ట్ చేసిన అంశాలని ఆయన చెప్పుకొచ్చారు.
నా సామిరంగ పండుగకు అందరూ చూడాల్సిన సినిమా అని నాగ్ కామెంట్లు చేశారు. తెలుగు నేటివిటీకి అనుగుణంగా కీలక మార్పులు చేశామని నాగ్ కామెంట్లు చేశారు. అషికా చాలా చక్కగా నటించిందని ఈ సినిమా స్టోరీ చాలా డిఫరెంట్ స్టోరీ అని ఆయన అన్నారు. విజయ్ బిన్నీ చాలా క్లారిటీ ఉన్న దర్శకుడు అని నాగార్జున అభిప్రాయం వ్యక్తం చేశారు. నా సామిరంగ టైటిల్ నాన్నగారి పాట నుంచి వచ్చిన టైటిల్ అని పేర్కొన్నారు.
ఈ సినిమాలో యాక్షన్ సీక్వెన్స్ లు చాలా మ్యాసీగా ఉంటాయని ఈ సినిమా వెరీ మ్యాసీ అనే చెప్పాలని (Nagarjuna) నాగ్ అన్నారు. నిర్మాత శ్రీనివాస్ చిట్టూరితో మంచి అనుబంధం ఉందని నాగ్ పేర్కొన్నారు. మహేష్ జక్కన్న కాంబో మూవీ పూర్తైన తర్వాత మహేష్ తో సినిమా గురించి ఆలోచించాలని ఆయన కామెంట్లు చేశారు. ప్రస్తుతం శేఖర్ కమ్ముల డైరెక్షన్ లో ఒక సినిమా చేస్తున్నానని నాగ్ చెప్పుకొచ్చారు.
గుంటూరు కారం సినిమా రివ్యూ & రేటింగ్!
హను మాన్ సినిమా రివ్యూ & రేటింగ్!
‘గుంటూరు కారం’ తో పాటు 24 గంటల్లో రికార్డులు కొల్లగొట్టిన 15 ట్రైలర్ల లిస్ట్..!
