ఈతరం హీరోయిన్లలో ఒకవైపు స్టార్ హీరోల సినిమాల్లో నటిస్తూనే మరోవైపు యంగ్ హీరోల సినిమాల్లో ఆఫర్లను అందిపుచ్చుకుంటూ లావణ్య త్రిపాఠి గుర్తింపును సొంతం చేసుకున్నారు. కళ్యాణ్ కృష్ణ డైరెక్షన్ లో నాగార్జున నటించిన సోగ్గాడే చిన్నినాయన సినిమాలో లావణ్య త్రిపాఠి హీరోయిన్ అనే సంగతి తెలిసిందే. సోగ్గాడే చిన్నినాయన సినిమాకు ప్రీక్వెల్ గా బంగార్రాజు సినిమా తెరకెక్కనుండగా త్వరలో ఈ సినిమా షూటింగ్ మొదలు కానుంది. ప్రస్తుతం ఈ సినిమాకు సంబంధించించిన ప్రీ ప్రొడక్షన్ పనులు జరుగుతుండగా వేగంగా షూటింగ్ పూర్తి చేసి వచ్చే ఏడాది సంక్రాంతికి ఈ సినిమాను రిలీజ్ చేయాలని నాగార్జున భావిస్తున్నారు.
ఈ సినిమాలో నాగార్జునకు జోడీగా రమ్యకృష్ణ నటిస్తుండగా లావణ్య త్రిపాఠి పాత్ర మాత్రం ఉండదని తెలుస్తోంది. ఈ సినిమాలో నాగచైతన్య కూడా నటిస్తుండగా చైతన్యకు జోడీగా సమంత నటిస్తున్నారని సమాచారం. ప్రస్తుతం లావణ్య త్రిపాఠి చేతిలో సినిమాలు లేవు. లావణ్య త్రిపాఠి ప్రధాన పాత్రలో నటించి మార్చి నెలలో రిలీజైన చావుకబురు చల్లగా ఫలితం ఆమెకు షాకిచ్చింది. ఆ సినిమాలో లావణ్య త్రిపాఠి మల్లిక పాత్రలో నటించగా కథ, కథనంలోని లోపాల వల్ల సినిమా ఫ్లాప్ గా నిలిచింది.
లావణ్య నటించిన మరో సినిమా ఏ1 ఎక్స్ ప్రెస్ కూడా బాక్సాఫీస్ దగ్గర ఫ్లాప్ కావడం గమనార్హం. వరుస ఫ్లాపుల వల్ల లావణ్యకు ఆఫర్లు తగ్గినట్టు తెలుస్తోంది. లావణ్య త్రిపాఠి చేతిలో ఒక్క సినిమా కూడా లేకపోవడంతో ఈ హీరోయిన్ టాలీవుడ్ కు దూరమైనట్టేనా..? అనే ప్రశ్నలు ఇండస్ట్రీ వర్గాల్లో వినిపిస్తున్నాయి. సోగ్గాడే చిన్నినాయన సినిమాకు ప్రీక్వెల్ అయినప్పటికీ కథపరంగా ఈ సినిమాకు, బంగార్రాజు సినిమాకు పోలికలు ఉండవని సమాచారం.
Most Recommended Video
టాలీవుడ్ స్టార్ హీరోల ఫేవరెట్ ఫుడ్స్ ఇవే..?
ఈ 10 సినిమాల్లో కనిపించని పాత్రలను గమనించారా?
2020 లో పాజిటివ్ టాక్ వచ్చినా బ్రేక్ ఈవెన్ కానీ సినిమాల లిస్ట్..!
