Yeto Vellipoyindhi Manasu Re-Release: రీరిలీజ్ అవుతున్న నాని సామ్ ఎటో వెళ్లిపోయింది మనసు.. కానీ?

నాని (Nani) , సమంత (Samantha) కాంబినేషన్ లో తెరకెక్కిన ఎటో వెళ్లిపోయింది మనసు (Yeto Vellipoyindhi Manasu) మూవీ థియేటర్లలో ఆశించిన స్థాయిలో హిట్ కాకపోయినా ఈ సినిమా నచ్చిన ప్రేక్షకులు ఎక్కువ సంఖ్యలోనే ఉన్నారు. ప్రస్తుతం రీరిలీజ్ ల ట్రెండ్ నడుస్తుండగా క్యూట్ లవ్ స్టోరీగా తెరకెక్కిన ఎటో వెళ్లిపోయింది మనసు రీరిలీజ్ అవుతుండటం ఫ్యాన్స్ కు సంతోషాన్ని కలిగిస్తోంది. ఇళయరాజా ఈ సినిమాకు మ్యూజిక్ అందించగా ఈ సినిమాలోని ప్రతి పాట ప్రత్యేకమే అని చెప్పవచ్చు.

ఆగష్టు నెల 2వ తేదీన ఎటో వెళ్లిపోయింది మనసు రీరిలీజ్ అవుతున్న నేపథ్యంలో ఈ సినిమాకు ఎలాంటి రెస్పాన్స్ వస్తుందో చూడాల్సి ఉంది. అప్పుడు ఫ్లాపైన ఈ సినిమా రీరిలీజ్ లో హిట్ రిజల్ట్ ను సొంతం చేసుకుంటుందేమో అనే కామెంట్లు వినిపిస్తున్నాయి. 2012 సంవత్సరం డిసెంబర్ 14వ తేదీన ఎటో వెళ్లిపోయింది మనసు రిలీజ్ కాగా 12 సంవత్సరాల తర్వాత ఈ సినిమా రీరిలీజ్ అవుతుండటం గమనార్హం.

గౌతమ్ వాసుదేవ మీనన్ (Gautham Vasudev Menon) నిడివి విషయంలో జాగ్రత్తలు తీసుకుని ఉంటే ఈ సినిమా కచ్చితంగా హిట్ అయ్యేదని చెప్పవచ్చు. గౌతమ్ మీనన్ ఈ మధ్య కాలంలో డైరెక్షన్ కంటే యాక్టింగ్ పై ఎక్కువగా ఫోకస్ పెడుతూ విజయాలను సొంతం చేసుకుంటూ ఉండటం గమనార్హం. ఎటో వెళ్లిపోయింది మనసు సినిమాకు పాజిటివ్ రెస్పాన్స్ వస్తే మరికొన్ని సినిమాలు రీరిలీజ్ అయ్యే ఛాన్స్ అయితే ఉంది.

స్లోగా సాగే రొమాంటిక్ మూవీగా ఎటో వెళ్లిపోయింది మనసు తెరకెక్కింది. నాని, సమంత కాంబో క్రేజీ కాంబో కాగా ఈ కాంబినేషన్ లో మరిన్ని సినిమాలు రావాలని ఫ్యాన్స్ కోరుకుంటున్నారు. ఈగ (Eega) సినిమాతో హిట్ సాధించిన ఈ జోడీ ఎటో వెళ్లిపోయింది మనసు సినిమాతో ఆ మ్యాజిక్ ను రిపీట్ చేయడంలో ఫెయిల్ అయ్యారనే చెప్పాలి. నాని మూవీ రీరిలీజ్ లో హిట్ కావాలని ఫ్యాన్స్ ఫీలవుతున్నారు.