భలే భలే మగాడివోయ్, కృష్ణ గాడి వీర ప్రేమ గాథ, జెంటిల్ మ్యాన్ సినిమాలతో హ్యాట్రిక్ అందుకున్న నాని మంచి జోరు మీద ఉన్నారు. విరించి వర్మ దర్శకత్వంలో నాని నటించిన మజ్ను చిత్రం ఈ నెల 23న రిలీజ్ కి సిద్ధంగా ఉంది. అను ఇమ్మాన్యూల్, ప్రియా శ్రీలు హీరోయిన్లుగా నటించిన ఇందులో దర్శకధీరుడు రాజమౌళి అతిథి పాత్రలో నటిస్తుండటంతో మజ్నుపై అంచనాలు పెరిగాయి. ఈ యువ నటుడు వేగంగా చిత్రాలు తీయడ మే కాకుండా సోషల్ మీడియాలోనూ చురుకుగా ఉన్నారు.
తన సినిమాల అప్ డేట్స్ ను ఎప్పటికప్పుడు ట్విట్టర్ ద్వారా అభిమానులతో పంచుకునే నేచురల్ స్టార్ వేగంగా ఓ మైల్ స్టోన్ ను అందుకున్నారు. పది లక్షల మంది ఫాలోవర్స్ ను సొంతం చేసుకుని ఇందులోనూ వేగాన్ని కనబరిచాడు. టాప్ స్టార్ లుగా పేరున్న పవన్ కళ్యాణ్ ని 9,62000 మంది, అల్లు అర్జున్ 9,17000 మంది, ఎన్టీఆర్ ని 6,50000 మంది ట్విట్టర్లో ఫాలో అవుతున్నారు. వీరందరికంటే నాని ఫాలోవర్ల సంఖ్య ఎక్కువగా ఉండటం విశేషం. ఈ సందర్భంగా నాని తన అభిమానులకు కృతజ్ఞతలు తెలిపారు.
I am a MILLIONAIRE now 🙂
Thank you my Twitter family .
Love,
Nani— Nani (@NameisNani) September 13, 2016
