Paradise: షాకిచ్చిన ‘ప్యారడైజ్‌’ బ్రిటిష్‌ సెన్సార్‌ రిపోర్ట్‌.. అందులో ఏముందంటే?

‘ది ప్యారడైజ్‌’.. టీజర్‌, ప్రచార చిత్రాలు చూశాక ఇది పూర్తిగా యాక్షన్‌, హింస, ఇబ్బందికర దృశ్యాలతో నిండిన కంటెంట్‌ ఉన్న సినిమా అని తేలిపోయింది. ఊహించినట్లుగానే సెన్సార్‌ బోర్డు ఈ సినిమాకు A సర్టిఫికెట్‌ ఇచ్చింది. కొన్ని కట్‌లు, మ్యూట్‌లు, డిలీట్‌లు కూడా చెప్పింది. అవన్నీ చూస్తే వైలెన్స్‌ ఎంతుంది అనే విషయంలో ఓ అవగాహన వస్తుంది. అయితే ఈ సినిమా బ్రిటిష్‌ సెన్సార్‌ బోర్డు ఇచ్చిన రిపోర్టు చూస్తే.. చాలా విషయాలు తెలుస్తున్నాయి.

Paradise

సినిమాలో తలను మోదడం, కొట్టడం, రక్తపాతం దృశ్యాలు విరివిగా ఉన్నాయట. సీలింగ్‌ ఫ్యాన్లు, పదునైన వస్తువులకు ముఖాల్ని ఆనించి కొట్టే సీన్స్‌ కూడా ఉన్నాయి. రేజర్‌ బ్లేడ్లతో రక్తపాత దృశ్యాలు ఎక్కువగా కనిపిస్తాయట. మహిళల్ని, ముఖ్యంగా గర్భవతులను హింసించే సన్నివేశాలు సినిమాలు చాలానే ఉన్నాయని బీబీఎఫ్‌సీ వెబ్‌సైట్‌ చెబుతోంది. బ్యాడ్‌ లాంగ్వేజ్‌ గురించి ప్రత్యేకంగా చెప్పక్కర్లేదు. సినిమా ప్రారంభించినప్పటి నుండి ఆ పదాన్ని తెగ ప్రచారంలో వాడేశారు. సినిమాలో ఆ మాటలు ఉన్నాయి.

జనాల ఎదురుగా ఓ మహిళను వివస్త్రను చేసే సీన్‌ ఉందట. అలాగే వేలంలో మహిళలను అమ్మేసే సన్నివేశం కూడా చూపించారట. ఆత్మహత్యలు, గాయపరచుకోవడం లాంటి సీన్స్‌ విరివిగా వాడారట. ఓ సీన్‌లో మెదడు తల నుండి బయటకు వచ్చేయడం చూపిస్తారట. వేడి ద్రవంలో ఓ చిన్న కుర్రాడు పడిపోవడం ఒక సీన్‌లో ఉండగా.. మరో సీన్‌లో కాళ్లు విరిగిపోవడం చూపిస్తారట. మరో సీన్లో గర్భవతికి కరెంట్‌ షాక్‌ ఇచ్చినట్లుగా చూపిస్తారట.

ఇవన్నీ గతంలో కొన్ని సినిమాల్లో ఉన్న సీన్సే. అయితే ఇన్ని సీన్స్‌, ఇంత రక్తపాతం ఒకే సినిమాలో అంటే ఫ్యామిలీ ఆడియనన్స్‌ థియేటర్లకు రావడానికి ఆసక్తి చూపించరు. మరి ఈ ఇబ్బందిని నాని – శ్రీకాంత్‌ ఓదెల ఎలా ఎదుర్కొంటారో చూడాలి. ‘దసరా’ సినిమా సమయంలో ఇలాంటి విమర్శలే వచ్చినా.. ఇప్పుడు ఆ రక్తపాతం/ భయం ఎక్కువగా ఉంది అని అంటున్నారు. క్లారిటీ రావాలంటే 24వ తేదీ రావాల్సిందే.

సినిమాను చూస్తానన్న నాని.. అప్లికేషన్‌ పెట్టుకోండన్న సీఎం