Hero Nani: నాని సినిమాలపై ఆ ఎఫెక్ట్ ఉంటుందా?

కరోనా వైరస్ వల్ల నాని గత రెండు సినిమాలు వి, టక్ జగదీష్ థియేటర్లలో విడుదల కాకుండా ఓటీటీలో విడుదలయ్యాయి. ఈ రెండు సినిమాలు థియేటర్లలో రిలీజై ఉంటే మాత్రం డిస్ట్రిబ్యూటర్లకు, ఎగ్జిబిటర్లకు భారీగా నష్టాలు మిగిలేవని కామెంట్లు వినిపించాయి. నాని వి సినిమా బుల్లితెరపై కూడా ప్రేక్షకులను నిరాశపరిచింది. నాని తన రెండు సినిమాలు ఫ్లాప్ కావడంతో భవిష్యత్తు ప్రాజెక్ట్ ల విషయంలో టెన్షన్ నెలకొంది. శ్యామ్ సింగరాయ్ బిజినెస్ పై నాని ఫ్లాప్ సినిమాల ప్రభావం పడే అవకాశాలు అయితే ఉన్నాయి.

ప్రస్తుతం శ్యామ్ సింగరాయ్ సినిమా పోస్ట్ ప్రొడక్షన్ పనులు జరుగుతున్నాయి. త్వరలో శ్యామ్ సింగరాయ్ రిలీజ్ డేట్ రానుంది. నాని ఇకపై కథల ఎంపికలో జాగ్రత్తలు తీసుకోవాల్సి ఉంది. కథల ఎంపికలో నాని పొరపాట్లు చేస్తే భవిష్యత్తు సినిమాల బిజినెస్ విషయంలో నానికి ఇబ్బందులు ఎదురయ్యే అవకాశాలు ఉంటాయి. వేగంగానే నాని సినిమాలను పూర్తి చేస్తున్నా సక్సెస్ విషయంలో మాత్రం నాని వెనుకబడ్డారని చెప్పాలి. నాని భారీ బ్లాక్ బస్టర్ హిట్ ను సాధిస్తే మాత్రమే విమర్శలు తగ్గే అవకాశాలు ఉంటాయి.

శ్యామ్ సింగరాయ్ మూవీలో నానికి జోడీగా సాయిపల్లవి, కృతిశెట్టి నటిస్తున్నారు. కృతిశెట్టి సక్సెస్ లో ఉండగా సాయిపల్లవికి కూడా ఈ మధ్య కాలంలో సరైన సక్సెస్ లేదు. శ్యామ్ సింగరాయ్ సినిమాకు రాహుల్ సాంకృత్యాన్ దర్శకత్వం వహిస్తున్న సంగతి తెలిసిందే. ట్యాక్సీవాలా మూవీతో హిట్ కొట్టిన రాహుల్ రెండో మూవీతో ఎలాంటి రిజల్ట్ అందుకుంటాడో చూడాలి.

నెట్ సినిమా రివ్యూ & రేటింగ్!

Most Recommended Video

టక్ జగదీష్ సినిమా రివ్యూ & రేటింగ్!
సీటీమార్ సినిమా రివ్యూ & రేటింగ్!
తలైవి సినిమా రివ్యూ & రేటింగ్!