జై చిత్రంతో హీరోగా పరిచయమైన నవదీప్, ఆ తర్వాత అనేక హిట్ చిత్రాల్లో సెకండ్ హీరోగా నటించి మంచి పేరు తెచ్చుకున్నారు. తాజాగా మెగా పవర్ స్టార్ రామ్ చరణ్ తేజ్ మూవీ ధృవలోను గౌతమ్ ఐపీఎస్ గా ఆకట్టుకున్నారు. ఇలా హీరో గానే కాకుండా మంచి పాత్ర ఉంటే చేయడానికి సిద్ధంగా ఉన్న నవదీప్ ఒక సినిమా విషయంలో మాత్రం తెగ బాధపడిపోతున్నారు. ఆ మూవీ బాద్ షా. శ్రీను వైట్ల దర్శకత్వంలో యంగ్ టైగర్ ఎన్టీఆర్ నటించిన ఇందులో నవదీప్ విలన్ అనుచరుడిగా ఆది పాత్ర పోషించారు. ఆ క్యారక్టర్ బుద్ధిలేక చేశానని తాజాగా ఓ ఇంటర్వ్యూలో చెప్పారు.
” శ్రీను వైట్ల కథను చెప్పే సమయంలో నా క్యారక్టర్ గురించి చాలా బాగా చెప్పారు. షూటింగ్ లో కూడా అలాగే తీశారు. కానీ సినిమాలో నా పాత్ర నిడివి తగ్గిపోయి, కథలో పనికి రాకుండా పోయింది. చాలా బాధేసింది. ఇక నుంచి అటువంటి రోల్స్ చేయను” అని యువహీరో వెల్లడించారు. షూటింగ్ లో అనేక ఆరోజులు కష్టపడి, తీరా సినిమాలో కనిపించకపోతే ఎవరికైనా బాధగానే ఉంటుంది. రన్ టైమ్ కుదింపులో జూనియర్ ఆర్టిస్టులు, హాస్యనటులు ఉన్న సీస్ కత్తెరకు గురవుతుంటాయి. యువ హీరో నవదీప్ సీన్స్ కూడా తొలిగింపునకు గురికావడం ఆశ్చర్యం కలిగిస్తోంది. అందుకే నవదీప్ ఇప్పుడు పాత్రల ఎంపికలో జాగ్రత్తపడుతున్నారు. ఇతను ఇప్పుడు “నటుడు”,”అంతా నీ మాయలోనే” అనే చిత్రాలను చేస్తున్నారు.
Also, do SUBSCRIBE to our YouTube channel to get latest Tollywood updates.
